प्रतिनिधी, 14 ऑक्टोबर: कॉकरोच जनता पार्टीचे (CJP) संस्थापक अभिजीत दिपके यांनी इंडिया आघाडीला एकत्र येण्याची हाक दिली आहे. मुख्य निवडणूक आयुक्त ज्ञानेश कुमार यांच्या राजीनाम्यासाठी आणि निवडणूक आयोगाविरोधात सुरू असलेल्या आंदोलनात सरकार फूट पाडण्याचा प्रयत्न करत असल्याचा आरोप त्यांनी केला आहे. सरकारच्या या जाळ्यात न अडकता सीजेपी आणि इंडिया आघाडीने एकजुटीने लढा दिला पाहिजे, असे वक्तव्य दिपके यांनी 'पीटीआय' या वृत्तसंस्थेशी बोलताना केले.
१३ ऑक्टोबर रोजी दिपके यांनी सोशल मीडियावर एक पोस्ट शेअर करत आपली भूमिका मांडली. सीजेपीला आंदोलनाची परवानगी मिळाल्यावर काही लोकांनी आम्ही भाजपचीच टीम असल्याची खोटी माहिती पसरवल्याचे ते म्हणाले. काल इंडिया आघाडीने मोठे आंदोलन केले, मात्र १० ऑक्टोबर रोजी सीजेपीच्या आंदोलकांवर जशी कडक कारवाई करण्यात आली, तशी कारवाई त्यांच्यावर झाली नाही, याकडे त्यांनी लक्ष वेधले.
सरकार जाणीवपूर्वक वेगवेगळ्या आंदोलनांना वेगळी वागणूक देऊन कार्यकर्त्यांमध्ये अविश्वास निर्माण करत असल्याचा दावा दिपके यांनी केला. ते म्हणाले, "माझी सर्वांना केवळ इतकीच विनंती आहे की, या खेळी ओळखा. आज ते एका आंदोलनाला परवानगी देतील आणि दुसरे दडपून टाकतील. उद्या ते भूमिकाही बदलतील. आपण सत्तेत असलेल्यांना प्रश्न विचारण्याऐवजी एकमेकांकडे संशयाने पाहावे, हाच त्यांचा उद्देश आहे."
ज्ञानेश कुमार आणि त्यांना वाचवणाऱ्यांविरोधात ही लढाई असून कटकारस्थानांच्या अफवांवरून आपण विभागले जाऊ नये, असे आवाहन त्यांनी केले. दरम्यान, जंतरमंतरवर आंदोलन करण्याचा प्रयत्न केल्याप्रकरणी सीजेपीचे नेते अजिंक्य शिंदे, आशुतोष रांका आणि सौरव दास यांना काल दिल्ली पोलिसांनी ताब्यात घेतले आहे. या नेत्यांना आता न्यायालयीन कोठडीअंतर्गत तिहार तुरुंगात पाठवले जाण्याची शक्यता आहे. याशिवाय, आज सर्वोच्च न्यायालयात एका अवमान याचिकेवरही सुनावणी होण्याची शक्यता वर्तवली जात आहे.
📌 महत्वाच्या बातम्या
- नाशिकमध्ये दुष्काळाच्या झळा तीव्र; पाणीटंचाईच्या मुकाबल्यासाठी प्रशासनाचा विस्तृत आराखडा
- अमित शाहांचा २०२९ च्या निवडणुकीबाबत मोठा दावा; राहुल गांधींचे सर्व आरोप फेटाळले
- अभिजीत दीपकेंना नवा पर्याय? मक्खी जनता पार्टीचे ७२ तासांत ३.३ लाख फॉलोअर्स; माशांनी उडवली झोप
Quick Answers
मुख्य निवडणूक आयुक्त ज्ञानेश कुमार यांच्या राजीनाम्यासाठी आणि निवडणूक आयोगाविरोधात सुरू असलेल्या आंदोलनात सरकार फूट पाडण्याचा प्रयत्न करत असल्याचा आरोप अभिजीत दिपके यांनी केला आहे.
दिपके यांच्या मते, आपण सत्तेत असलेल्यांना प्रश्न विचारण्याऐवजी एकमेकांकडे संशयाने पाहावे आणि कार्यकर्त्यांमध्ये अविश्वास निर्माण व्हावा, हाच सरकारचा उद्देश आहे.
जंतरमंतरवर आंदोलन करण्याचा प्रयत्न केल्याप्रकरणी दिल्ली पोलिसांनी सीजेपीचे नेते अजिंक्य शिंदे, आशुतोष रांका आणि सौरव दास यांना ताब्यात घेतले आहे.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
