प्रतिनिधी, 17 ऑक्टोबर: दिल्लीत कॉकरोच जनता पार्टीचे (सीजेपी) मोठे आंदोलन सुरू असतानाच, आगामी उत्तर प्रदेश विधानसभा निवडणुकीचा एक अत्यंत महत्त्वाचा सर्व्हे समोर आला आहे. न्यूज १८ ने केलेल्या या सर्वेक्षणात धक्कादायक कल हाती आले असून, राज्यात पुन्हा एकदा भाजपचीच सत्ता येणार असल्याचा अंदाज वर्तवण्यात आला आहे.
या सर्व्हेनुसार तब्बल ६७ टक्के जनतेने भाजपवर विश्वास दाखवत पुन्हा त्यांचेच सरकार स्थापन होण्याला पसंती दिली आहे. दुसरीकडे, इंडिया आघाडीत असलेल्या समाजवादी पार्टी आणि काँग्रेसला केवळ २७ टक्के लोकांचा पाठिंबा मिळाला असून हा त्यांच्यासाठी मोठा धक्का मानला जात आहे. मायावती यांच्या बहुजन समाज पार्टीला पाच टक्के, तर इतर पक्षांना अवघ्या एक टक्का जनतेने पसंती दिली आहे.
सध्या दिल्लीमध्ये मुख्य निवडणूक आयुक्त ज्ञानेश कुमार यांच्या विरोधात सीजेपीकडून निदर्शने केली जात आहेत. यामध्ये त्यांनी सत्ताधारी भाजप आणि निवडणूक आयोगावर गंभीर आरोप केले आहेत. विशेष म्हणजे या आंदोलनात मोठ्या संख्येने ‘जेन झी’ (Gen Z) तरुण सहभागी झाले आहेत. आगामी निवडणुकीत या मतदारांची संख्या मोठी असणार असल्याने त्याचा नेमका काय परिणाम होईल, याबाबत उत्सुकता वाढली आहे.
पुढच्या वर्षी होणाऱ्या उत्तर प्रदेश विधानसभा निवडणुकीसाठी सध्या सत्तेत असलेल्या भाजपासह सर्वच प्रमुख पक्षांनी आतापासूनच जोरदार तयारी सुरू केली आहे. निवडणुकीच्या पार्श्वभूमीवर राजकीय पक्षांतरालाही वेग आला असून, सपाच्या तीन विद्यमान आमदारांनी भाजपमध्ये प्रवेश केला होता. मात्र, त्यानंतर समाजवादी पार्टीनेही भाजपचे पाच नेते फोडत मोठा झटका दिला आहे.
📌 महत्वाच्या बातम्या
- कगिसो रबाडा, अॅनरिक नॉर्टजे पूर्णपणे तंदुरुस्त; ऑस्ट्रेलियाविरुद्धच्या दुसऱ्या कसोटीसाठी उपलब्ध
- SA vs AUS 2nd Test: दक्षिण आफ्रिका विरुद्ध ऑस्ट्रेलिया दुसरी कसोटी; खेळपट्टी, हवामान आणि संभाव्य प्लेइंग 11
- सातारा दौऱ्यात डॉ. स्मिता जाधव यांनी टाळली शंभूराज देसाईंची भेट; महायुतीतील अंतर्गत धुसफूस चव्हाट्यावर?
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
