प्रतिनिधी, 12 ऑक्टोबर: देशाची राजधानी दिल्लीतील ऐतिहासिक जंतरमंतरवर (Jantar Mantar Protest Ban) आता यापुढे कोणतीही आंदोलने किंवा निदर्शने करता येणार नाहीत. कायदा आणि सुव्यवस्था तसेच वाहतूक कोंडीचा प्रश्न सोडवण्यासाठी केंद्र सरकारने हा मोठा निर्णय घेतला असून, निदर्शनांसाठी शहरात तीन नवीन ठिकाणे निश्चित करण्यात आली आहेत.
प्रशासनाने दिलेल्या माहितीनुसार, आता कोणत्याही संघटनेला किंवा आंदोलकांना जंतरमंतरऐवजी केवळ रामलीला मैदान, बुराडी मैदान आणि सीबीडी मैदान या तीन ठिकाणीच आंदोलने करण्याची अधिकृत परवानगी दिली जाईल. या नव्या बदलामुळे दिल्लीच्या मध्यवर्ती भागातील वाहतूक समस्या सुटण्यास मदत होईल, अशी अपेक्षा प्रशासनाकडून व्यक्त केली जात आहे.
गेल्या काही काळापासून जंतरमंतर विविध आंदोलनांचे केंद्र बनले होते. नुकतेच ‘कॉकरोच जनता पार्टी’ने येथे आंदोलन केले होते. या पहिल्या आंदोलनाला यश आले होते आणि माजी शिक्षणमंत्री धर्मेंद्र प्रधान यांना आपल्या पदाचा राजीनामा द्यावा लागला होता. सध्या मुख्य निवडणूक आयुक्त ज्ञानेशकुमार यांच्या राजीनाम्याच्या मागणीसाठी ‘झेनझी’कडून येथे पुन्हा आंदोलनाची ठिणगी पडली आहे.
या सुरू असलेल्या आंदोलनादरम्यान गेल्या तीन दिवसांत पोलिसांनी अनेकांची धरपकड केली. काहींना ताब्यात घेण्यात आले, तर काहींना हाऊस अरेस्ट केले गेले. सरकारच्या या कारवाईवर सर्वोच्च न्यायालयाने ताशेरे ओढत सर्व आंदोलकांना लवकरात लवकर सोडण्याचे आदेश दिले होते. या सर्व घडामोडींनंतर लगेचच केंद्र सरकारने जंतरमंतरवरील आंदोलनांवर कायमची बंदी घालण्याचा हा मोठा डाव खेळला आहे.
📌 महत्वाच्या बातम्या
- तुळजापुरात भवानी ज्योत नेणाऱ्या तरुणांना पोलिसांकडून मारहाण? शटर बंद करून बदडल्याचा आरोप
- बीडमध्ये भररस्त्यात तरुणाला दांडक्याने मारहाण; भांडण सोडवायला गेलेल्या महिलांनाही दिला धाक
- पुण्यात बोगस महाविद्यालयाचा पर्दाफाश; प्रवेश न घेण्याचे पुणे विद्यापीठाचे विद्यार्थ्यांना आवाहन
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
