प्रतिनिधी, 12 ऑक्टोबर: नवरात्रोत्सवानिमित्त आई तुळजाभवानीची ‘भवानी ज्योत’ नेण्यासाठी आलेल्या अहिल्यानगर जिल्ह्यातील तरुणांना पोलिसांनी शटर बंद करून मारहाण केल्याचा आरोप होत आहे. या घटनेचा आणि पोलिसांसोबत झालेल्या बाचाबाचीचा व्हिडिओ सध्या सोशल मीडियावर व्हायरल झाला आहे.
देवीच्या नवरात्र महोत्सवासाठी हे तरुण तुळजापूर (Tuljapur) येथील मंदिर परिसरात आले होते. तरुणांनी केलेल्या दाव्यानुसार, ज्योत पेटवताना वापरले जाणारे तेल अंगावर पडल्याच्या कारणावरून वाद निर्माण झाला. याच रागातून पोलिसांनी त्यांना भवानी ज्योत पेटवण्यास मज्जाव केला. त्यानंतर थेट शटर ओढून आपल्याला मारहाण करण्यात आल्याचा गंभीर आरोप या तरुणांनी केला आहे.
या कथित मारहाणीनंतर संबंधित तरुण तक्रार नोंदवण्यासाठी पोलीस ठाण्यात पोहोचले. मात्र, पोलिसांनी त्यांची कोणतीही तक्रार दाखल करून घेतली नाही, असे त्यांचे म्हणणे आहे. तक्रार न घेतल्याने मंदिर परिसर आणि पोलीस ठाण्यात काही काळ तणावाचे वातावरण पाहायला मिळाले. भवानी ज्योत नेण्यासाठी आलेल्या भक्तांवरच असा प्रसंग ओढवल्याने नागरिकांमधून मोठा संताप व्यक्त केला जात आहे.
📌 महत्वाच्या बातम्या
- विरोधात बोलल्याने माझ्यावर हल्ला, जरांगे पाटलांनीच सुपारी दिली; अमोल खुणेंचा गंभीर आरोप
- आदित्य आणि अमित ठाकरेंच्या अडचणीत वाढ; शिवाजी पार्क पोलीस ठाण्यात गुन्हा दाखल
- मुख्यमंत्री देवेंद्र फडणवीस यांचा कडक इशारा; काम न करणाऱ्या अधिकाऱ्यांची नावे थेट जाहीर करणार
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
