Greenfield Highway: शेंद्रा-बिडकीन आणि ढोरेगाव या नव्या ‘ग्रीनफिल्ड’ महामार्गासाठी जमीन मोजणीला सुरुवात होताच शेतकऱ्यांनी अधिकाऱ्यांना थेट अडवलं आहे. शेंद्रा-बिडकीन ऑरिक (AURIC) आणि पंचतारांकित औद्योगिक वसाहतीतून थेट अहिल्यानगर आणि पुण्याकडे जाणाऱ्या या महामार्गाला राज्य सरकारने फास्टट्रॅकवर घेतलं आहे. जिल्हा प्रशासनाने त्यानुसार भूसंपादनापूर्वीची जमीन मोजणी सुरू केली. पण करमाड परिसरात मोजणीला येताच शेतकऱ्यांनी आक्रमक पवित्रा घेतला. “आधी जमिनीचा दर निश्चित करा, मगच मोजणी करा”, अशी ठाम भूमिका त्यांनी घेतली.
परिस्थिती चिघळताना पाहून महसूल अधिकाऱ्यांनी तात्काळ घटनास्थळी धाव घेतली. त्यांनी शेतकऱ्यांची समजूत काढली. नियम काय सांगतो? जमीन मोजणी पूर्ण झाल्याशिवाय आणि क्षेत्र निश्चित झाल्याशिवाय दर कसा ठरवणार? अधिकाऱ्यांनी ही कायदेशीर प्रक्रिया समजावून सांगितली. त्यानंतर शेतकऱ्यांचा विरोध मावळला आणि मोजणी पुन्हा सुरळीत सुरू झाली.
Shendra Bidkin Greenfield Highway Land Acquisition
या रस्त्याच्या भूसंपादनाची धाकधूक बऱ्याच दिवसांपासून सुरू आहे. अवघ्या तीन आठवड्यांपूर्वी आमदार विलास भुमरे यांच्या उपस्थितीत सार्वजनिक बांधकाम विभागाच्या सभागृहात एक बैठक झाली होती. तिथे शेतकऱ्यांनी या महामार्गाची अलाईन्मेंट (दिशा) बदलण्याची मागणी केली होती. पण शासनाकडून आता कोणताही बदल होणार नाही, हे स्पष्ट झाल्यावर शेतकऱ्यांनी चांगल्या दरासाठी मोर्चेबांधणी सुरू केली आहे. गेल्या आठवड्यातच जिल्हाधिकारी विनय गौडा जी. सी. यांनी तातडीची बैठक घेऊन भूसंपादनाच्या प्रक्रियेला गती देण्याचे आदेश दिले होते.
उपविभागीय अधिकारी व्यंकट राठोड यांच्या मार्गदर्शनाखाली गुरुवारपासून या मोजणीला प्रत्यक्ष सुरुवात झाली आहे. करमाड परिसरातील एका गावाची मोजणी पूर्णही झाली आहे. यामध्ये गट क्रमांक १८०, १८२ ते १८५, १८७, १८८, १९१ ते १९४ आणि २२२ ते २२४ या गटांचा समावेश आहे. आता मोजणी पूर्ण झाल्यानंतर प्रशासनाकडून जमिनीला नेमका काय दर मिळतो, याकडेच सगळ्या शेतकऱ्यांचे डोळे लागले आहेत.
📌 महत्वाच्या बातम्या
- पैठणमध्ये चालत्या बसमध्ये २ लाखांच्या मंगळसूत्राची चोरी; ५ दिवसांनी महिला चोरटीचा चेहरा आला समोर!
- FIR होऊन ६ महिने उलटले, तरी सचिन घायाळ मोकाट कसा? राजकीय गौडबंगाल? पोलीस यंत्रणा झोपलीये का?
- ‘मुंबईला 45 लाख गाड्या येणार’; जरांगे यांचा सरकारला मोठा इशारा
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
