टीव्हीच्या पडद्यावर ग्लॅमरस दिसणारे कलाकार जेव्हा अचानक भर उन्हात शेतात काम करताना दिसतात, तेव्हा भुवया उंचावणारच ना? ‘महाराष्ट्राची हास्यजत्रा’ (Maharashtrachi Hasyajatra) या शोमधून घराघरात पोहोचलेली आपली लाडकी ‘लॉली’ म्हणजेच अभिनेत्री नम्रता संभेराव (Namrata Sambherao) सध्या अशाच एका कारणामुळे चर्चेचा विषय ठरली आहे. तिचे काही फोटो सोशल मीडियावर अक्षरशः धुमाकूळ घालत आहेत, ज्यात ती चक्क शेतात राबताना दिसतेय.
नेहमीच आपल्या विनोदी टायमिंगने प्रेक्षकांना खळखळून हसवणाऱ्या नम्रताचा हा साधेपणा पाहून चाहते भारावून गेले आहेत. सोशल मीडियावर (Social Media) सक्रिय असलेल्या नम्रताने इन्स्टाग्रामवर हे खास फोटो शेअर केले आहेत.
Namrata Sambherao Viral Photos
यामध्ये तिचा लूक इतका बदलला आहे की, पहिल्या झटक्यात तिला ओळखणंही कठीण झालंय. या फोटोंवर नेटकऱ्यांनी लाइक्स आणि कमेंट्सचा पाऊस पाडलाय. कुणी तिच्या साधेपणाचं कौतुक करतंय, तर कुणी तिला ‘मातीतली माणसं’ म्हणत डोक्यावर घेतलंय.
या फोटोंमागे एक खास कनेक्शन सुद्धा असू शकतं. सध्या नम्रता तिच्या आगामी ‘सुपर डुपर’ (Super Duperr) या सिनेमामुळे चर्चेत आहे. हा सिनेमा म्हणजे भावनांचा एक गोतावळा असणार आहे, असं म्हटलं जातंय. हा कौटुंबिक महासोहळा येत्या ३ एप्रिल २०२६ रोजी प्रेक्षकांच्या भेटीला येत आहे. त्यामुळे हे फोटो या सिनेमाच्या प्रमोशनचा भाग आहेत की नम्रताचं हे शेतीप्रेम आहे, यावर आता जोरदार चर्चा रंगल्या आहेत. काहीही असो, नम्रताच्या या ‘गावरान’ अंदाजाने पुन्हा एकदा महाराष्ट्राला वेड लावलंय एवढं मात्र नक्की!
📌 महत्वाच्या बातम्या
- अक्षयने मृणालला भर कार्यक्रमात छेडलं; धनुषसोबतच्या लग्नाच्या चर्चांवर अभिनेत्रीने ‘ते’ सत्य सांगितलं!
- महाशिवरात्री २०२६: शंकराच्या पिंडीवर पाणी वाहण्याची ‘ही’च ती योग्य वेळ; फक्त ५२ मिनिटांचा मुहूर्त का आहे खास?
- गौतमी पाटीलला नवरा कसा हवा? लग्नासाठी ठेवली मोठी अट; पहिल्यांदाच बोलली लाइफ पार्टनर विषयी
बातम्यांसाठी YouTube चॅनेल Subscribe करा
Subscribe Now
