Sharad Pawar | मुंबई: राज्यातील राजकारणात दररोज काही ना काही घडामोडी घडत असतात. अशाच राष्ट्रवादी काँग्रेस पक्षाचे अध्यक्ष शरद पवार यांनी अचानक मुख्यमंत्री एकनाथ शिंदे (Eknath Shinde) यांची वर्षा बंगल्यावर जाऊन भेट घेतली. शरद पवारांनी पहिल्यांदाच वर्ष बंगल्यावर जाऊन एकनाथ शिंदे यांची भेट घेतली आहे. या भेटीनंतर राज्यातील राजकीय वर्तुळात चर्चांना उधाण आलं आहे.
Meeting of Eknath Shinde and Sharad Pawar at Varsha Bungalow
शरद पवार (Sharad Pawar) आणि मुख्यमंत्री शिंदे भेटल्यानंतर जवळपास 35 मिनिटे चर्चा करत होते. त्यानंतर शरद पवार वर्षा बंगल्यातून बाहेर पडले. मात्र, त्यांनी या भेटीबद्दल माध्यमांना कोणतीही प्रतिक्रिया दिली नाही.
दरम्यान, उद्धव ठाकरे (Uddhav Thackeray) हे सध्या परदेशी दौऱ्यावर गेलेले आहे. त्याचबरोबर सध्या महाविकास आघाडीमध्ये जागा वाटपावरून वाद सुरू आहे. अशात शरद पवार (Sharad Pawar) यांनी एकनाथ शिंदे यांची भेट घेतल्यानंतर राजकीय वर्तुळत चर्चांना उधाण आलं आहे. राज्याच्या राजकारणात नेमकं काय शिजतंय? असा प्रश्न देखील उपस्थित झाला आहे
ठाकरे गटाकडून शरद पवार (Sharad Pawar) आणि एकनाथ शिंदे यांच्या भेटीबद्दल प्रतिक्रिया आली आहे. ठाकरे गटाचे सचिन अहिर (Sachin Ahir) प्रतिक्रिया देताना म्हणाले, “शरद पवार हे राज्याच्या मुख्यमंत्र्याकडे गेले आहेत, ते एकनाथ शिंदेकडे गेलेले नाही. मात्र, ही भेट प्रशासकीय आहे की राजकीय आहे? या प्रश्नाचं उत्तर मी देऊ शकत नाही.
पुढे बोलताना ते म्हणाले, “सरकार जरी घटनाबाह्य असलं तरी प्रशासन चालवण्याची जबाबदारी मुख्यमंत्री आणि उपमुख्यमंत्री यांच्याकडे आहे. शरद पवार (Sharad Pawar) लोकांचे विषय घेऊन मुख्यमंत्र्यांना भेटण्यासाठी गेले असतील.”
महत्वाच्या बातम्या
- Amol Mitkari | शिवराज्याभिषेक सोहळा सनातन धर्म प्रचारासाठी होता का? अमोल मिटकरींचा राज्य सरकारला खडा सवाल
- Naseeruddin Shah | मोदी प्रत्येक गोष्टीत धार्मिक पैलूंना सहभागी करतात – नसीरुद्दीन शाह
- Eknath Shinde | न भूतो न भविष्यति असा भव्य शिवराज्याभिषेक सोहळा पार पडणार – एकनाथ शिंदे
- Gautami Patil | गौतमीच्या वडिलांना तिचा डान्स आवडतो का? उत्तर देत म्हणाले…
- Weather Update | वातावरणात पुन्हा होणार बदल! ‘या’ जिल्ह्यांत उष्णतेच्या लाटेची शक्यता
बातम्यांसाठी YouTube चॅनेल Subscribe करा
Subscribe Now
