Mumbai-Pune Highway Accident | खोपोली : आज (15 एप्रिल) पहाटे 4 च्या सुमारास मुंबई-पुणे महामार्गावर (Mumbai-Pune Highway) एका खासगी बसचा भीषण अपघात (Accident) झाला आहे. ही बस दरीत कोसळल्यामुळे मोठा अपघात झाला असून या अपघातात 13 जणांचा मृत्यू झाल्याची माहिती समोर आली आहे. तसंच या बसमध्ये 40 ते 45 जण प्रवास करत असल्याची माहिती मिळाली असून मृतांचा आकडा आणखी वाढण्याची शक्यता आहे.
मुंबईतील गोरेगावमधील बाजीप्रभू वादक गट हे पुण्याला एका कार्यक्रमासाठी गेले होते. कार्यक्रम झाल्यानंतर पुण्याहून परत येताना या वादक गटाच्या बसचा जुन्या पुणे-मुंबई महामार्गावर मोठा अपघात झाला. ही बस शिंगरोबा मंदिराच्या अलिकडील घाटात दरीत कोसळली. हा भीषण अपघात पहाटे 4 च्या सुमारास झाल्याची माहिती मिळाली आहे. तसंच या अपघातात 20 ते 25 जण जखमी झाले आहेत. त्यांना बाहेर काढण्यात यश आलं आहे.
तसचं वाहतूक पोलीस अधीक्षक तानाजी चिखले यांनी दिलेल्या माहितीनुसार, “घाट परिसर असल्यामुळे तिथे उतार खूप जास्त आहे. वाहनचालकाचं गाडीवरचं नियंत्रण सुटल्यामुळे हा अपघात झालेला असल्याची शक्यता आहे. या बसमध्ये एकूण 41 प्रवासी होते. त्यातील 27 प्रवाशांना वाचवण्यात आलं आहे. तर इतरांना वरती काढण्याचं काम सध्या सुरू आहे. या बचावकार्यात खोपोलीतील पथक, खंडाळ्यातील पथक, स्थानिक पोलीस आणि महामार्ग पोलीस यांचा सहभाग आहे. तसंच आमच्या माहितीनुसार, या अपघातात 13 जणांचा मृत्यू झाला आहे.”
दरम्यान, या अपघातातील जखमींना खोपोली ग्रामीण रुग्णालयात दाखल करण्यात आलं आहे. तसंच मदतकार्यासाठी हायकर्स ग्रुप आणि आयआरबीचं पथकही घटनास्थळी दाखल झालं आहे. तसचं तातडीने मुख्यमंत्री एकनाथ शिंदे यांनी या अपघातात सापडलेल्या लोकांवर उपचार करण्याच्या सूचना दिल्या आहेत.
महत्वाच्या बातम्या-
- Sanjay Raut | “जवानांची पुलवामात हत्या केली आणि नंतर त्याच राजकारण करून निवडणुका जिंकाव्यात” : संजय राऊत
- Satya Pal Malik | “मी पंतप्रधान मोदींना सांगितलं पुलवामा हल्ला आपल्याच चुकीमुळे झालाय, पण त्यांनी मला…”; माजी राज्यपालांचा मोठा गौप्यस्फोट
- Job Opportunity | लष्कराच्या ASC सेंटरमध्ये नोकरीची संधी! आजच करा अर्ज
- Dry Dates | दुधामध्ये सुके खजूर भिजवून खाल्ल्याने शरीराला मिळतात ‘हे’ फायदे
- Job Opportunity | विश्वेश्वरय्या राष्ट्रीय तंत्रज्ञान संस्था यांच्यामार्फत नोकरीची संधी! जाणून घ्या सविस्तर
