Sharad Pawar | टीम महाराष्ट्र देशा: अजित पवार यांनी केलेल्या बंडखोरीनंतर राष्ट्रवादी काँग्रेस पक्षाचे दोन गट पडले आहे. राष्ट्रवादी फूट पडल्यानंतर शरद पवार गट (Sharad Pawar) आणि अजित पवार गट दोघांनीही पक्षाचं नाव आणि चिन्हावर दावा ठोकत निवडणूक आयोगाकडे याचिका दाखल केली होती.
राष्ट्रवादी काँग्रेस पक्ष नेमका कोणाचा? याबाबत आज सुनावणी होणार आहे. त्यामुळं या सुनावणीकडे महाराष्ट्रासह संपूर्ण देशाचं लक्ष लागलं आहे.
राष्ट्रवादी पक्ष नेमका कोणाचा? याबाबत आज निवडणूक आयोगात सुनावणी पार पडणार आहे. दुपारी चार वाजता ही सुनावणी होणार आहे.
शरद पवार गटाकडून या सुनावणीला स्वतः शरद पवार (Sharad Pawar), खासदार सुप्रिया सुळे आणि आमदार जितेंद्र आव्हाड उपस्थित राहणार आहेत.
अजित पवार गटाकडून या सुनावणीला कोणीही उपस्थित राहणार नसल्याचं बोललं जात आहे. अशात ही सुनावणी नेमकी कुणाच्या बाजूने होणार? याबाबत आता राज्याच्या राजकीय वर्तुळात तर्कवितर्क लावले जात आहे.
शरद पवार (Sharad Pawar) यांची अध्यक्षपदी झालेली नियुक्ती पक्षाच्या घटनेला धरून नसल्याचा युक्तिवाद अजित पवार गटाने मागील महिन्यात झालेल्या सुनावणी दरम्यान केला होता.
त्याचबरोबर अजित पवार गट सुनावणी लवकर संपवण्यासाठी घाई करत असल्यामुळे निवडणूक आयोगाने त्यांना चांगलंच फटकारलं होतं.
Ajit Pawar took oath as Deputy Chief Minister after joining the state government
दरम्यान, 02 जुलै 2023 रोजी राज्याच्या राजकारणात मोठा भूकंप आला होता. या दिवशी अजित पवारांनी शरद पवारांची (Sharad Pawar) साथ सोडून शिंदे-फडणवीस सरकारमध्ये सामील होण्याचा निर्णय घेतला होता.
शिंदे-फडणवीस सरकारमध्ये सामील होताचं अजित पवार यांनी उपमुख्यमंत्री पदाची शपथ घेतली. त्यानंतर काही दिवसात त्यांनी राष्ट्रवादी काँग्रेस पक्षाच्या (NCP) नावावर आणि चिन्हावर दावा ठोकत निवडणूक आयोगाकडे याचिका दाखल केली होती. त्यानंतर आता निवडणूक आयोगासमोर ही सुनावणी सुरू आहे.
महत्वाच्या बातम्या
- Manoj Jarange | मराठ्यांना आरक्षण मिळणार? मनोज जरांगे 15 नोव्हेंबरपासून महाराष्ट्र दौऱ्यावर
- Sanjay Raut | ओबीसी विरुद्ध मराठा या मुद्द्यावरून कॅबिनेटमध्ये गँगवॉर सुरू – संजय राऊत
- Uddhav Thackeray | देशाची अखंडता धोक्यात अन् राज्यकर्ते निवडणुकांच्या प्रचारात मशगूल; ठाकरे गटाची टीका
- Dates Benefits | बदलत्या वातावरणात खजुराचे सेवन केल्याने आरोग्याला मिळतात उत्तम फायदे
- Chhagan Bhujbal | जरांगेंना सर्व प्रकारचं आरक्षण पाहिजे, ते पण त्यांना त्यांच्या पद्धतीने हवं; भुजबळांच्या विधानानंतर मराठा समाज आक्रमक होणार?
बातम्यांसाठी YouTube चॅनेल Subscribe करा
Subscribe Now
