अमित शाह यांचे डोळे म्युझियममध्ये ठेवले पाहिजेत; संजय राऊत यांची सडकून टीका

प्रतिनिधी, 14 ऑक्टोबर: देशभरात लोकशाहीची गळचेपी होत असल्याच्या निषेधार्थ दिल्लीसह विविध राज्यांमध्ये मोठी आंदोलने सुरू आहेत. या आक्रोशावर इतके दिवस तोंड बंद ठेवून 'भूमिगत' असलेले अमित शाह बऱ्याच काळाने प्रकट झाले आहेत, असा टोला संजय राऊत यांनी लगावला आहे.

सोमवारच्या मोर्च्यात दीड किलोमीटरच्या क्षेत्रात केवळ ८ हजार लोक उपस्थित होते, या शाह यांच्या दाव्याचा राऊत यांनी खरपूस समाचार घेतला. लाखोंचा मोर्चा त्यांना केवळ ८ हजारांचा दिसत असल्याने गृहमंत्र्यांची नजर कमकुवत झाली असल्याचे राऊत म्हणाले. 'हा माणूस किती खोटं बोलतो?' असा सवाल करत, नेत्रदानानंतर अमित शाह यांचे डोळे म्युझियममध्ये ठेवले पाहिजेत, अशी बोचरी टीका त्यांनी केली.

अमित शाह यांची प्रकृती सध्या ठीक नसून ते मानसिक दडपणाखाली असल्याचा दावाही राऊत यांनी केला. त्यांच्या तब्येतीबाबत अनेक गोष्टी समोर येत असल्याने त्यांनी आपली काळजी घेतली पाहिजे, असा सल्ला राऊत यांनी दिला. तसेच, त्यांची कमकुवत झालेली नजर आणि एकूणच आरोग्याची तपासणी करण्यासाठी आरोग्य मंत्रालयाने एक विशेष समिती स्थापन केली पाहिजे, अशी मागणीही त्यांनी केली.

📌 महत्वाच्या बातम्या

• मोदीजी… या आवाजासमोर उभे राहू नका; विद्यार्थ्यांच्या मारहाणीवरून राहुल गांधींचा सरकार आणि पोलिसांना मोठा इशारा
• पुण्यातील १०० नगरसेवकांना भाजपची ‘कारणे दाखवा’ नोटीस; कार्यक्रमाला दांडी मारणे भोवले
• पुणे शिक्षक मतदारसंघ: महायुतीत होणार मैत्रीपूर्ण लढत, शिंदे गट सचिन सानपांच्या तर भाजप गावंडेंच्या पाठीशी