प्रेमात आणि युद्धात सगळं माफ असतं असं म्हणतात, पण जेव्हा प्रश्न धर्माचा येतो तेव्हा काय? बॉलिवूडचा (Bollywood) ‘नवाब’ सैफ अली खान (Saif Ali Khan) आणि अमृता सिंग (Amrita Singh) यांचं लग्न आजही चर्चेचा विषय ठरतं. 1991 मध्ये झालेलं हे लग्न आणि त्यानंतरचा घटस्फोट यावर अनेकदा तर्कवितर्क लढवले जातात. पण लग्नानंतर अमृतावर खरंच धर्म बदलण्यासाठी दबाव होता का? यावर आता खुद्द ‘छोटे नवाब’नेच मोठा खुलासा केलाय.
सैफ अली खानने आपल्या खासगी आयुष्यावर नेहमीच रोखठोक भाष्य केलंय. त्याची पहिली पत्नी अमृता सिंग असो किंवा सध्याची बेगम करीना कपूर, दोघीही हिंदू आहेत. सैफने एका जुन्या मुलाखतीत स्पष्ट केलं की, “अमृताला (जिला तो प्रेमाने ‘डिंगी’ म्हणायचा) कधीही इस्लाम स्वीकारण्यासाठी मी बळजबरी केली नाही.” घरात प्रत्येकाला आपापल्या धर्माचं पालन करण्याचं पूर्ण स्वातंत्र्य होतं. सैफची आई शर्मिला टागोर यांनी मन्सूर अली खान पतौडींशी लग्न करताना इस्लाम स्वीकारला होता, मात्र सैफने हाच नियम आपल्या पत्नींवर कधीच लादला नाही.
Saif Ali Khan Revelation
मुलांच्या संगोपनातही सैफने हाच समजूतदारपणा दाखवला. तो म्हणाला, “जेव्हा अमृता गुरुद्वारात जायची, तेव्हा मी सारा आणि इब्राहिमला सांभाळायचो.” 2004 मध्ये घटस्फोट झाल्यानंतर मुलांची कस्टडी अमृताकडे गेली, तरीही ती मुलांवर कोणत्याही एका धर्माचा पगडा नसावा याबद्दल सैफला खात्री होती.
सैफ आणि अमृताची लव्हस्टोरी (Love Story) एखाद्या फिल्मी कथेपेक्षा कमी नव्हती. वयात तब्बल 13 वर्षांचं अंतर आणि घरच्यांचा विरोध पत्करून त्यांनी लग्न केलं होतं. हे लग्न इतकं घाईत झालं की अमृताने जे हातात येईल ते कपडे घातले होते. विशेष म्हणजे, या लग्नाला मौलवीसोबतच एक शीख ग्रंथीही उपस्थित होता. प्रसिद्ध डिझायनर अबु जानी आणि संदीप खोसला या ‘निकाह’चे साक्षीदार होते. धर्माच्या भिंती ओलांडून झालेलं हे लग्न आजही सैफच्या पुरोगामी विचारांमुळे चर्चेत आहे.
📌 महत्वाच्या बातम्या
- अदनान सामीची ‘ती’ पोस्ट चर्चेत; मोहन भागवतांच्या भेटीनंतर केला मोठा गौप्यस्फोट!
- “भारताने हे करावं, तरच खेळणार”; पाकिस्तानने ICC समोर ठेवल्या 3 अटी, ‘ही’ मागणी पूर्ण होणं अशक्य!
- ‘पाकिस्तानी सैनिकाच्या मुलासोबत चहापान, बाजूला ती नटी’; संजय राऊतांचा मोहन भागवतांवर हल्लाबोल
बातम्यांसाठी YouTube चॅनेल Subscribe करा
Subscribe Now
