चेन्नई, 11 ऑक्टोबर: तामिळनाडू राज्याच्या विकासासाठी केंद्र सरकार मुख्यमंत्री सी. जोसेफ विजय यांच्या नेतृत्वाखालील सरकारसोबत एकत्रितपणे काम करेल, अशी ग्वाही पंतप्रधान नरेंद्र मोदी (Narendra Modi) यांनी रविवारी दिली. चेन्नई येथे आयोजित एका कार्यक्रमात ते बोलत होते.
या कार्यक्रमात पंतप्रधानांच्या हस्ते १३ हजार कोटी रुपयांहून अधिक खर्चाच्या विविध विकास प्रकल्पांचे उद्घाटन आणि भूमिपूजन करण्यात आले. यावेळी मुख्यमंत्री विजय हे देखील उपस्थित होते. देशाचा विकास हाच आपला नेहमी मंत्र राहिल्याचे पंतप्रधानांनी यावेळी स्पष्ट केले.
आपल्या राजकीय प्रवासातील आठवणींना उजाळा देताना पंतप्रधान मोदी म्हणाले की, राज्याचे मुख्यमंत्री असताना त्यांना करुणानिधी आणि जयललिता यांच्याशी संवाद साधण्याची संधी मिळाली. त्यानंतर, पंतप्रधान पदाची धुरा सांभाळताना जयललिता, ओ. पन्नीरसेल्वम, ई. पलानीस्वामी आणि एम. के. स्टॅलिन यांच्यासोबतही काम करता आले. आता हाच विकासाचा प्रवास विद्यमान मुख्यमंत्री जोसेफ विजय यांच्यासोबत पुढे नेला जात असल्याचे त्यांनी नमूद केले.
आज सुरू करण्यात आलेल्या १३ हजार कोटींच्या प्रकल्पांमुळे नागरिकांचा दैनंदिन प्रवास अधिक सुलभ होणार आहे. याशिवाय, उद्योग आणि व्यापार क्षेत्राला मोठी गती मिळणार असून संपूर्ण तामिळनाडूमधील तरुणांसाठी रोजगाराच्या नवीन संधी निर्माण होतील, असा विश्वास पंतप्रधानांनी व्यक्त केला.
📌 महत्वाच्या बातम्या
- ठाण्यात हायप्रोफाईल देहव्यापार रॅकेटचा पर्दाफाश, टीव्ही मालिकांमधील अभिनेत्रीची सुटका
- ‘छम छम करता…’ गाण्यासाठी सोनाली बेंद्रेने घेतलं नव्हतं मानधन; अनेक वर्षांनंतर मोठा खुलासा
- शिवाजी पार्कमधील आंदोलनाप्रकरणी ३०० हून अधिक जणांवर गुन्हे दाखल होणार; आदित्य, अमित ठाकरेंवर कारवाईची टांगती तलवार
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
