🕒 1 min read
नाशिक: महापालिका निवडणुकांचे वारे वाहत असतानाच आता सोशल वॉर देखील पेटले आहे. मात्र, या राजकीय लढाईत पातळी घसरल्याचे चित्र पाहायला मिळत आहे. भाजपच्या उमेदवार पूजा मोरे (Puja More) यांच्या जुन्या व्हिडिओवरून सध्या सोशल मीडियावर घाणेरडे राजकारण सुरू असून, या प्रकारावर मराठा आरक्षणाचे नेते मनोज जरांगे पाटील (Manoj Jarange Patil) यांनी तीव्र संताप व्यक्त केला आहे. नाशिक दौऱ्यावर असताना त्यांनी विरोधकांना आणि ट्रोलर्सना थेट शब्दांत “दुष्परिणाम भोगावे लागतील” असा इशारा दिला आहे.
निवडणुकीच्या काळात मुद्द्यांवर लढण्याऐवजी उमेदवारांची जुनी मढी उकरून काढण्याच्या प्रकारावर जरांगे पाटलांनी कडाडून टीका केली. प्रसारमाध्यमांशी बोलताना ते म्हणाले, “निवडणुकीच्या काळात जुने व्हिडिओ उकरून काढून कोणाला टार्गेट करणे अत्यंत चुकीचे आहे. राजकारणात विचारधारेची लढाई असावी, पण एखाद्याची बदनामी करण्यासाठी खालच्या पातळीवर जाणे हे महाराष्ट्राच्या संस्कृतीला शोभणारे नाही.”
Manoj Jarange Warns Trolls
पूजा मोरे यांच्या व्हायरल व्हिडिओवरून सुरू असलेल्या ट्रोलिंगचा समाचार घेताना जरांगे पाटील अधिक आक्रमक झाले. “जर असे प्रकार थांबले नाहीत, तर त्याचे गंभीर दुष्परिणाम संबंधितांना भोगावे लागतील, हे त्यांनी लक्षात ठेवावे. अन्यायाविरुद्ध आवाज उठवणे हा आमचा धर्म आहे आणि आम्ही अशा घाणेरड्या राजकारणाला खपवून घेणार नाही,” अशा शब्दांत त्यांनी विरोधकांचे कान टोचले आहेत.
मनोज जरांगे पाटील यांच्या या भूमिकेमुळे नाशिकच्या राजकारणात मोठी खळबळ उडाली आहे. एरवी सत्ताधाऱ्यांवर आगपाखड करणाऱ्या जरांगे पाटलांनी भाजप उमेदवारावर होणाऱ्या वैयक्तिक टीकेला विरोध करत, महिला सन्मानाचा मुद्दा अधोरेखित केल्याचे बोलले जात आहे. त्यांच्या या इशाऱ्यामुळे सोशल मीडियावर सक्रिय असलेल्या ट्रोलर्सला मोठा चाप बसण्याची शक्यता आहे.
📌 महत्वाच्या बातम्या
- “माझ्या हातात मतं नाहीत, पण…” मनोज जरांगे पाटलांची मोठी गर्जना; महापालिका निवडणुकीबाबत भूमिका स्पष्ट!
- इनकम टॅक्सचे नियम बदलले: १२.७५ लाखांपर्यंत उत्पन्न करमुक्त; पॅन-आधार लिंक नसलेल्यांना हजार रुपयांचा दंड!
- ह्युंदाई, महिंद्राला धोबीपछाड! टाटा मोटर्सची जोरदार मुसंडी; ‘या’ दोन गाड्यांनी बदललं मार्केटचं गणित
बातम्यांसाठी YouTube चॅनेल Subscribe करा
Subscribe Now
