नाशिक: राज्यातील २९ महानगरपालिकांच्या निवडणुकीची रणधुमाळी शिगेला पोहोचली असतानाच, मराठा आरक्षणाचे नेते मनोज जरांगे पाटील (Manoj Jarange Patil) यांनी नाशिकमध्ये केलेल्या एका विधानाने राजकीय वर्तुळात पुन्हा एकदा खळबळ उडाली आहे. “माझ्या हातात कोणाची मतं नाहीत, पण समाजाला योग्य दिशा देण्याचे काम मी नक्कीच करू शकतो,” अशा स्पष्ट शब्दांत जरांगे यांनी आपली भूमिका मांडली आहे.
Manoj Jarange on municipal Election
सध्या उमेदवारी अर्जांची छाननी आणि बिनविरोध निवडींच्या चर्चांनी जोर धरला आहे. या पार्श्वभूमीवर नाशिक दौऱ्यावर असलेल्या जरांगे पाटलांनी प्रसारमाध्यमांशी संवाद साधला. ते म्हणाले, “जे कार्यकर्ते समाजासाठी रात्रंदिवस झटत आहेत, ते राजकारणात टिकले पाहिजेत. जर समाजाने अशा लोकांची वेळीच कदर केली नाही, तर नंतर पश्चात्ताप करून काहीच उपयोग होणार नाही.” त्यांनी यावेळी कोणा एका पक्षाचे नाव न घेता, चळवळीतील कार्यकर्त्यांच्या पाठीशी खंबीरपणे उभे राहण्याचे आवाहन मराठा समाजाला केले.
दरम्यान, भाजपच्या उमेदवार पूजा मोरे (Puja More) यांच्या जुन्या व्हिडिओवरून सुरू असलेल्या ट्रोलिंगवरही जरांगे पाटील चांगलेच संतापले. “निवडणुकीच्या काळात जुने व्हिडिओ उकरून काढून कोणाला टार्गेट करणे चुकीचे आहे. जर असे प्रकार थांबले नाहीत, तर त्याचे दुष्परिणाम संबंधितांना भोगावे लागतील,” असा कडक इशारा त्यांनी दिला. “आम्ही क्षत्रिय मराठा आहोत, अन्यायाविरुद्ध लढणे हा आमचा धर्म आहे,” असे सांगत त्यांनी ट्रोलर्सना सज्जड दम भरला.
या दौऱ्यात त्यांनी समाजातील तरुणांना आणि कार्यकर्त्यांना आवाहन केले की, हीच वेळ आहे एकजूट दाखवण्याची. जरी आजचे व्यासपीठ राजकीय नसले, तरी समाजहितासाठी आपली माणसं सत्तेत असणे गरजेचे असल्याचे त्यांनी अधोरेखित केले.
📌 महत्वाच्या बातम्या
- इनकम टॅक्सचे नियम बदलले: १२.७५ लाखांपर्यंत उत्पन्न करमुक्त; पॅन-आधार लिंक नसलेल्यांना हजार रुपयांचा दंड!
- ह्युंदाई, महिंद्राला धोबीपछाड! टाटा मोटर्सची जोरदार मुसंडी; ‘या’ दोन गाड्यांनी बदललं मार्केटचं गणित
- नवीन वर्षाची सुरुवात ‘महागाई’च्या चटक्याने; गॅस सिलिंडर महागला, तर ‘पॅन’ कार्डबद्दल मोठी अपडेट!
बातम्यांसाठी YouTube चॅनेल Subscribe करा
Subscribe Now
