प्रभू श्रीराम प्रत्येक भारतीयाच्या रक्तात वसलेले आहेत; ‘रामायण’ चित्रपटावर जावेद अख्तर यांची स्पष्टोक्ती

प्रसिद्ध गीतकार जावेद अख्तर यांनी प्रभू श्रीराम कोणत्याही एका धर्माचे नसून ते प्रत्येक भारतीयाच्या रक्तात वसलेले आहेत, असे महत्त्वपूर्ण वक्तव्य केले आहे.

Published On: 

Javed Akhtar talking about Shri Ram and Ramayana movie

प्रतिनिधी, 18 नोव्हेंबर: आपल्या बेधडक वक्तव्यांसाठी ओळखले जाणारे प्रसिद्ध गीतकार आणि लेखक जावेद अख्तर यांनी प्रभू श्रीराम आणि ‘रामायण’ चित्रपटाविषयी महत्त्वपूर्ण प्रतिक्रिया दिली आहे. एका कार्यक्रमात बोलताना त्यांनी श्रीराम हे केवळ एक व्यक्ती नसून ती एक जीवनपद्धती आणि आदर्श असल्याचे म्हटले आहे. त्यांच्या या विधानाची सध्या सोशल मीडियावर जोरदार चर्चा सुरू आहे.

या कार्यक्रमादरम्यान जावेद अख्तर यांना नितेश तिवारी दिग्दर्शित ‘रामायण’ हा चित्रपट पाहिला का, असा प्रश्न विचारण्यात आला होता. त्यावर उत्तर देताना ते म्हणाले की, “मी रणबीर कपूरचा हा सिनेमा नक्की बघणार आहे. माझी लेक झोया हिने हा सिनेमा पाहिला असून ती त्याचे खूप कौतुक करत आहे. ती सहसा कोणत्याही प्रोजेक्टचे असे सहजासहजी कौतुक करत नाही.”

प्रभू श्रीराम यांच्याबद्दल आपले विचार मांडताना अख्तर यांनी स्पष्ट केले की, श्रीराम हे नैतिकतेचे प्रतीक आहेत. “प्रभू श्रीराम प्रत्येक भारतीय आणि त्यांच्या संस्कृतीत वसलेले आहेत. हे जेव्हा तुम्ही पाहता आणि त्याचे कौतुक करता, तेव्हा ते थेट हृदयाला भिडते. कदाचित उद्या माझ्या या वक्तव्याने काही लोक नाराज होतील, पण धर्म कोणताही असो, प्रभू श्रीराम प्रत्येक भारतीयाच्या रक्तात वसलेले आहेत,” असे ते म्हणाले.

श्रीराम यांना कधीकधी केवळ एक व्यक्ती म्हणून पाहिले जाते, मात्र त्यांचे महत्त्व त्याहून कितीतरी मोठे असून ते जीवन जगण्याचे एक तत्त्वज्ञान असल्याचे अख्तर यांनी नमूद केले. याच वेळी त्यांनी सोनिया गांधी यांचे ‘Belonging: A Journey of Love’ हे पुस्तक वाचायला सुरुवात केली असून ते अत्यंत आकर्षक वाटत असल्याचेही सांगितले.

📌 महत्वाच्या बातम्या

MHD News

सत्य, निष्पक्षता आणि नव्या दृष्टिकोनाची कास धरत, 'महाराष्ट्र देशा' प्रत्येक घटनेचं प्रामाणिक रिपोर्टिंग करत आले आहे. अचूक आणि वेगवान बातम्या लोकांपर्यंत पोहोचवणे हे आमचे ध्येय आहे.

🕘 संबंधित बातम्या

Maharashtra Desha App Logo

महाराष्ट्र देशा App डाउनलोड करा

ताज्या बातम्या सर्वात आधी — Notifications सकट!

★★★★★ 4.8 (12K+ reviews)
🔔 Breaking Alerts 📖 Offline वाचा 🎙️ Audio News 📺 Live TV

FREE पूर्णपणे मोफत — कोणतेही Subscription नाही