इंदूर, 11 ऑक्टोबर: मागच्या सामन्यात २५० धावा करूनही पराभव पत्करावा लागलेल्या टीम इंडियाने इंदूरच्या होळकर स्टेडिअमवर मात्र २२३ धावांच्या जोरावर आश्चर्यकारक विजय मिळवला आहे. भारताने वेस्ट इंडिजचा (IND vs WI) 14 धावांनी पराभव करत पाच सामन्यांच्या टी-२० मालिकेत २-१ अशी आघाडी घेतली आहे.
प्रथम फलंदाजी करताना भारताने २२३ धावा केल्या होत्या. या लक्ष्याचा पाठलाग करण्यासाठी उतरलेल्या वेस्ट इंडिजला अर्शदीप सिंगने दुसऱ्याच षटकात मोठा धक्का दिला. संघासाठी घातक ठरू शकणाऱ्या शाई होपला त्याने अवघ्या ५ धावांवर त्रिफळाचीत केले आणि इथूनच भारताने अर्धी मॅच जिंकल्याचे चित्र निर्माण झाले.
यानंतर कामिल पुरन आणि शिमरॉन हेटमायर यांनी जवळपास ६० धावांची भागीदारी करत वेस्ट इंडिजला सामना जिंकवून देण्याची भीती निर्माण केली होती. मात्र, नमन धीरने हेटमायरला ४३ तर पुरनला ४२ धावांवर बाद केले. या दोन महत्त्वपूर्ण विकेट्सनंतर खऱ्या अर्थाने मॅच फिरली.
त्यानंतर मैदानात आलेल्या रोव्हमन पॉवेलला अक्षर पटेलने ५ धावांवर तंबूत पाठवले. शेफर्न रदरफोर्ड आणि सॅम्पसन यांच्यात भागीदारी होताना दिसत असतानाच, नितीश रेड्डीने सॅम्पसनची विकेट काढत ती जोडी फोडली.
अखेरच्या टप्प्यात शामर स्प्रिंगरने ११ चेंडूत ३५ धावांची खेळी करत सामना जिंकवण्याचा आटोकाट प्रयत्न केला, पण विजयाचे लक्ष्य खूप दूर होते. वेस्ट इंडिजचा संघ केवळ 209 धावा करू शकला. त्यामुळे भारताने हा सामना १४ धावांनी जिंकला आहे.
📌 महत्वाच्या बातम्या
- तामिळनाडूच्या विकासासाठी मुख्यमंत्री विजय यांच्यासोबत काम करणार; पंतप्रधान मोदींची चेन्नईत ग्वाही
- ठाण्यात हायप्रोफाईल देहव्यापार रॅकेटचा पर्दाफाश, टीव्ही मालिकांमधील अभिनेत्रीची सुटका
- ‘छम छम करता…’ गाण्यासाठी सोनाली बेंद्रेने घेतलं नव्हतं मानधन; अनेक वर्षांनंतर मोठा खुलासा
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
