अभिनेता इमरान खानला २८ ऑक्टोबरपर्यंत भारत सोडण्याची नोटीस; आंदोलनातील सहभाग पडला महागात

मुंबई, 15 ऑक्टोबर: मुख्य निवडणूक आयुक्त ज्ञानेश कुमार यांच्या राजीनाम्यासाठी झालेल्या आंदोलनात सहभागी होणे अभिनेता इमरान खानला महागात पडले आहे. मुंबई पोलिसांनी आमिर खानचा भाचा असलेल्या इमरानला २८ ऑक्टोबरपर्यंत थेट भारत सोडून जाण्याची नोटीस बजावल्याची माहिती समोर आली आहे.

१० ऑक्टोबर रोजी मुंबईतील ऑगस्ट क्रांती मैदान परिसरात 'कॉक्रोच जनता पार्टी'च्या आंदोलनाला पाठिंबा देण्यासाठी अनेक लोक जमले होते. या आंदोलनातून मुख्य निवडणूक आयुक्तांच्या राजीनाम्याची मागणी केली जात होती. याच दरम्यान पोलिसांनी इमरान खानसह अनेकांना ताब्यात घेतले होते. इमरानच्या आंदोलनातील सहभागावर प्रश्नचिन्ह उपस्थित करत भाजप नेते किरीट सोमय्या यांनी चौकशी आणि कारवाईची मागणी केली होती.

या सर्व प्रकारानंतर आता OCI (ओव्हरसीज सिटिझनशिप ऑफ इंडिया) कार्डधारकांच्या अधिकारांबाबत चर्चा सुरू झाली आहे. इमरान खान हा भारतीय नागरिक नसून त्याच्याकडे OCI कार्ड आहे. या योजनेअंतर्गत भारतीय वंशाच्या परदेशी नागरिकांना भारतात प्रवेश करण्यासाठी आजीवन व्हिसा मिळतो. मात्र, त्यांना मतदान करण्याचा, संसद किंवा विधानसभेचे सदस्य होण्याचा आणि घटनात्मक पदे भूषवण्याचा अधिकार नसतो.

OCI कार्डधारक व्यक्ती परदेशी पासपोर्ट धारण करणारी असते. त्यामुळे अशा नागरिकांना भारतातील राजकीय आणि सार्वजनिक आंदोलनांमध्ये सहभागी होण्याबाबत परदेशी नागरिकांचे नियम व अटी लागू होतात. तसेच पत्रकारिता, संशोधन, धार्मिक प्रचार आणि काही अन्य विशिष्ट कामांसाठी त्यांना पूर्वपरवानगी घेणे बंधनकारक असते.

📌 महत्वाच्या बातम्या

• कलाकारांचे पैसे थकवल्याच्या आरोपांवर मंदार देवस्थळींनी सोडले मौन; म्हणाले, “व्यावसायिक गणित चुकल्याने मोठा फटका…”
• नाना पाटेकरांना फडणवीसांनी दिली होती लोकसभेची ऑफर; आशिष शेलारांनी शोकसभेत सांगितला ‘तो’ किस्सा
• थंडीमुळे निळे पडले होते ओठ, तरीही शिफॉन साडीत शूट झालं ‘ते’ गाणं; २६ वर्षांनंतरही क्रेझ कायम