🕒 1 min read
पुणे– देवाच्या दारात होणारा ‘कुंभमेळा’ आणि राजकारणातील ‘जोडतोड’… यात काही संबंध असेल का? असा धक्कादायक प्रश्न आता एका गंभीर आरोपाने निर्माण केला आहे. पुणे मध्ये बोलताना काँग्रेस प्रदेशाध्यक्ष हर्षवर्धन सपकाळ (Harshwardhan Sapkal) यांनी गिरीश महाजन यांच्यावर थेट निशाणा साधला आहे. “गिरीश महाजन (Girish Mahajan) हे कुंभमेळाचे बजेट विकासासाठी नाही, तर विरोधी पक्ष फोडण्यासाठी वापरतात,” असा खळबळजनक आरोप त्यांनी केला आहे. यामुळे राजकीय वर्तुळात एकच चर्चा सुरू झाली आहे.
सपकाळ इथेच थांबले नाहीत, तर त्यांनी उपमुख्यमंत्री अजित पवारांवरही (Ajit Pawar) तोफ डागली. सरकारमध्ये राहून भाजपवर टीका करणं ही दादांची ‘नुरा कुस्ती’ आहे, असं म्हणत त्यांनी अजितदादांना आरसा दाखवला. “गोचिडासारखं सत्तेला चिकटून राहू नका, हिंमत असेल तर आधी राजीनामा द्या आणि मग टीका करा,” असा सणसणीत टोला त्यांनी लगावला. जैन बोर्डिंग आणि मुंढवा जमीन प्रकरणातील कथित भ्रष्टाचाराची आठवण करून देत, भाजपने अजित पवारांना सत्तेतून बाहेर काढावं, अशी मागणीही सपकाळांनी केली.
“त्या महाजनांपेक्षा तो लाकूडतोड्या बरा…”
दुसरीकडे, Nashik मधील तपोवनातील वृक्षतोडीवरून मनसे अध्यक्ष राज ठाकरे (Raj Thackeray) यांनीही गिरीश महाजनांची पिसे काढली आहेत. सपकाळांच्या आरोपांना बळ देत राज ठाकरे म्हणाले, “त्या महाजनांपेक्षा तो गोष्टीतला लाकूडतोड्या बरा होता, जो सोन्याच्या कुऱ्हाडीला भुलला नाही. पण हे लोक झाडं छाटण्याआधी स्वतःच्या पक्षातील माणसं छाटतात आणि बाहेरून झाडं (आयात उमेदवार) आणून लावतात.”
२०१२ च्या मनसेकालीन कुंभमेळ्याची आठवण करून देत राज यांनी महायुतीवर प्रहार केला. “तेव्हा एकही झाड न तोडता कुंभमेळा गाजला होता. आता मात्र झाडं तोडून जागा मोकळ्या केल्या जात आहेत. साधुसंत गेल्यावर ही जमीन कोणत्या उद्योगपतीच्या घशात घालायची, हे यांचं आधीच ठरलेलं असतं,” असा गंभीर दावा राज ठाकरेंनी केला आहे.
📌 महत्वाच्या बातम्या
- “निवडणुकीत पडलात, तरी माज जाईना”; ठाकरेंनी दानवेंची ‘ती’ गोष्ट काढली, सभेत शिट्ट्यांचा पाऊस!
- ‘बाळासाहेबांनी वाचवलं नसतं तर मोदी दिसले नसते…’; उद्धव ठाकरे भावूक, पण डोळ्यातील ‘त्या’ पाण्याचं सत्य काय?
- १५ तासांचा ‘हायव्होल्टेज ड्रामा’ संपला; डॉ. संग्राम पाटील अखेर सुटले! ‘या’ एका गोष्टीमुळे टळली अटक?
बातम्यांसाठी YouTube चॅनेल Subscribe करा
Subscribe Now
