प्रतिनिधी, 11 ऑक्टोबर: सण-उत्सवांच्या काळात घराघरांमध्ये गोडधोड पदार्थ हमखास बनवले जातात. मात्र, नेहमीचे लाडू, शिरा किंवा खीर खाऊन कंटाळा आला असेल, तर यंदा तुम्ही ओल्या खोबऱ्याचा एक खास हलवा नक्की करून पाहू शकता. गूळ, खोबरे आणि साजूक तुपाच्या मिश्रणातून तयार होणारा हा पदार्थ अतिशय चविष्ट आणि सुगंधी लागतो.
हा खमंग हलवा (Coconut Halwa) बनवण्यासाठी २ कप ओल्या खोबऱ्याचा कीस, १ कप चिरलेला गूळ, २ ते ३ हिरव्या वेलच्या, १ मोठा चमचा तांदळाचे पीठ, अर्धा कप पाणी, २ मोठे आणि १ छोटा चमचा साजूक तूप, तसेच आवश्यकतेनुसार ओल्या खोबऱ्याचे पातळ काप आणि २ मोठे चमचे काजूचे तुकडे लागतील.
कृतीला सुरुवात करताना सर्वात आधी मिक्सरच्या भांड्यात ओल्या खोबऱ्याचा कीस, चिरलेला गूळ, वेलची, तांदळाचे पीठ आणि अर्धा कप पाणी एकत्र करून त्याची बारीक पेस्ट तयार करून घ्या. तांदळाच्या पिठामुळे या हलव्याला योग्य तो घट्टपणा मिळतो. त्यानंतर एका कढईत दोन मोठे चमचे साजूक तूप गरम करून त्यात काजूचे तुकडे व खोबऱ्याचे काप हलके सोनेरी रंगावर परतून एका प्लेटमध्ये बाजूला काढून ठेवा.
आता त्याच कढईत खोबरे आणि गुळाचे तयार वाटण घाला. गॅसची आच मंद ठेवून हे मिश्रण सतत ढवळत राहा. सुरुवातीला मिश्रण थोडे पातळ वाटेल, पण जसजसे ते शिजेल तसतसे घट्ट होऊ लागेल. जेव्हा हे मिश्रण कढईच्या कडा सोडू लागेल, तेव्हा तो हलवा तयार होण्याच्या स्थितीत असल्याचे समजावे.
या वेळी त्यात आधी परतून ठेवलेले काजू आणि खोबऱ्याचे काप घाला. अगदी शेवटी एक छोटा चमचा साजूक तूप घालून सर्व मिश्रण व्यवस्थित एकजीव करा. गॅस बंद करून हा हलवा थोडा निवू द्यावा. त्यानंतर वरून काजू आणि खोबऱ्याचे काप घालून तुम्ही तो गरम किंवा थंड अशा दोन्ही प्रकारे सर्व्ह करू शकता.
📌 महत्वाच्या बातम्या
- मंत्रालयातील महिला अधिकाऱ्याला लग्नाची इच्छा भोवली; परदेशी नवरदेवाच्या आमिषाने गमावले १७ लाख रुपये
- ऑफिसमध्ये काम करताना भूक लागते? ड्रॉवरमध्ये ठेवा ‘हे’ ७ पौष्टिक स्नॅक्स
- पुढच्या निवडणुकीत कसा निवडून येतो बघतोच! रोहित पवारांचा विक्रम पाचपुतेंना अजितदादा स्टाईल इशारा
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
