पुणे, 11 ऑक्टोबर: पुण्यात एमपीएससी विद्यार्थ्यांसोबत गेल्या पाच दिवसांपासून आंदोलनात बसलेले आमदार रोहित पवार (Rohit Pawar) यांनी भाजपचे आमदार विक्रम पाचपुते यांना थेट आव्हान दिले आहे. विद्यार्थ्यांसमोर बोलताना रोहित पवार यांनी, ‘२०२९ च्या विधानसभा निवडणुकीत विक्रम पाचपुते निवडून येणार नाहीत, हा माझा शब्द आहे,’ असा आक्रमक इशारा दिला.
या वादाची सुरुवात विक्रम पाचपुते यांनी केलेल्या एका टीकेमुळे झाली होती. काही दिवसांपूर्वी पाचपुते यांनी पुण्यातील आंदोलनाला ‘रोहित पवार नाईट्स’ असे हिणवले होते. दिवसभर केवळ ५० ते १०० लोक असतात, विद्यार्थ्यांनी आंदोलनाकडे पाठ फिरवली असून रोहित पवार एमपीएससी आंदोलनाच्या आडून ‘अर्बन नक्षल’ तयार करत असल्याचा गंभीर आरोप त्यांनी केला होता.
या आरोपांचा रोहित पवार यांनी कडक शब्दांत निषेध केला. ‘माझ्यावर टीका करण्याच्या नादात अधिकारी होण्याचे स्वप्न पाहणाऱ्या शेतकरी आणि सामान्य गरिबांच्या मुलांना तुम्ही अर्बन नक्षल म्हणालात, याची तुम्हाला लाज वाटली पाहिजे,’ अशा शब्दांत त्यांनी संताप व्यक्त केला. तसेच ही व्यक्ती २०२९ मध्ये विधानसभेत जाणार नाही, ही माझी जबाबदारी असल्याचे त्यांनी स्पष्ट केले. पाचपुते आता आपण असे बोललोच नाही असे सांगून त्यांच्या नेत्याप्रमाणे शब्दांचे खेळ करत असल्याचा टोलाही त्यांनी लगावला.
रोहित पवारांच्या या खुल्या आव्हानामुळे अनेकांना उपमुख्यमंत्री अजित पवार यांच्या कार्यपद्धतीची आठवण झाली. अजित पवार यांनी पुरंदरचे दिवंगत माजी आमदार विजय शिवतारे यांना ‘२०१४ मध्ये जिंकलास, पण २०१९ ला तू आमदार कसा होतो तेच बघतो,’ असे खुले आव्हान देऊन निवडणुकीत खरोखरच पाडले होते. तशीच काहीशी भाषा रोहित पवार यांनी वापरल्याने राजकीय वर्तुळात चर्चा रंगली आहे.
दरम्यान, रोहित पवारांच्या या इशाऱ्यानंतर विक्रम पाचपुते यांनीही पलटवार केला आहे. स्वतःचा ‘इगो’ जपण्यासाठी रोहित पवारांनी विद्यार्थ्यांना वेठीस धरणे योग्य नाही. रोहित पवारांच्या राजकीय अहंकाराचा आणि प्रतिष्ठेचा परिणाम विद्यार्थ्यांच्या भवितव्यावर होऊ नये, असे प्रत्युत्तर पाचपुते यांनी दिले आहे.
📌 महत्वाच्या बातम्या
- नाना पाटेकरांच्या ‘नाम फाऊंडेशन’मुळे धोंदलगाव टँकरमुक्त; गावकऱ्यांनी दिला आठवणींना उजाळा
- बीडमध्ये पुन्हा रक्तरंजित राडा; दोन गटात तुफान हाणामारी, लोखंडी रॉडने फोडली डोकी
- दीपके दिल्लीत, राहुल गांधी चेन्नईत; काँग्रेसने CJP च्या आंदोलनाकडे पाठ फिरवण्यामागे आहेत ही ३ कारणे
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
