🕒 1 min read
दिल्ली (Facebook Down) – रविवारी सुट्टीच्या दिवशी तुम्ही निवांत फेसबुक स्क्रोल करत होता आणि अचानक तुमचं अकाऊंट बंद पडलं? घाबरू नका, तुमचं अकाऊंट हॅक झालेलं नाही.
सध्या जगभरात फेसबुकची सेवा ठप्प झाली आहे. हजारो युजर्सना अचानक ‘अकाऊंट तात्पुरते अनुपलब्ध’ (Account Temporarily Unavailable) असा एरर मेसेज स्क्रीनवर दिसत आहे आणि त्यांना सक्तीने लॉग आऊट केले जात आहे.
फेसबुक डाऊन: मेसेंजर सेवाही कोलमडली
‘डाऊनडिटेक्टर’ (Downdetector) या वेबसाईटच्या आकडेवारीनुसार, रविवारी सकाळपासून तक्रारींचा आकडा वेगाने वाढला. अवघ्या काही क्षणांतच ३,५५५ हून अधिक युजर्सनी फेसबुक चालत नसल्याचे रिपोर्ट केले. फेसबुकचे डेस्कटॉप व्हर्जन पूर्णपणे बंद आहे. त्यामुळेच युजर्सना फोटो किंवा व्हिडिओ अपलोड करणे आणि मेसेंजरवरून मेसेज पाठवणे अशक्य झाले आहे.
‘साईटमध्ये तांत्रिक बिघाड झाल्याने अकाऊंट चालत नाही, थोड्या वेळाने प्रयत्न करा’, असा मेसेज युजर्सना दाखवला जात आहे. मात्र, या मोठ्या गोंधळामागे नेमकं कारण काय, याबाबत ‘मेटा’कडून (Meta) अजून कोणतीही अधिकृत पुष्टी देण्यात आलेली नाही. याबाबत अधिक माहिती हाती आल्यावर बातमी अपडेट केली जाईल.
📌 महत्वाच्या बातम्या
- न्यायालयाकडून मराठा आंदोलकांना जामीन; पण ८१ गंभीर गुन्हे मागे घेण्यास सरकारचा नकार का?
- तब्बल १५ वर्षांचा संसार मोडला; आदिनाथ कोठारे अन् उर्मिलाची एकूण संपत्ती किती?
- पोस्ट ऑफिसच्या ‘या’ स्कीममध्ये एकदाच पैसे गुंतवा अन् दरमहा मिळवा ९,२५० रुपये; काय आहे सरकारची ही भन्नाट योजना?
