बॉलिवूडचा ‘ही-मॅन’ आज आपल्यात नाही, यावर अजूनही अनेकांचा विश्वास बसत नाही. पण जेव्हा त्यांच्या सन्मानाचा क्षण आला, तेव्हा संपूर्ण कुटुंबाच्या डोळ्यांच्या कडा पाणावल्या होत्या.
सोमवारी राष्ट्रपती भवनात पद्म पुरस्कारांचा दिमाखदार सोहळा पार पडला. यावेळी राष्ट्रपती द्रौपदी मुर्मू यांच्या हस्ते दिवंगत अभिनेते धर्मेंद्र यांना मरणोत्तर पद्म सन्मान (Dharmendra Padma Award) प्रदान करण्यात आला.
Dharmendra Padma Award
हा सन्मान स्वीकारण्यासाठी त्यांच्या पत्नी आणि ज्येष्ठ अभिनेत्री हेमा मालिनी मंचावर आल्या, तेव्हा उपस्थितांचेही डोळे पाणावले होते. या भावुक क्षणी हेमा मालिनींना अश्रू अनावर झाले. त्यांनी सोशल मीडियावर एक हृदयस्पर्शी पोस्ट शेअर करून आपल्या भावनांना वाट मोकळी करून दिली.
“हा सन्मान घेताना मला असं वाटत होतं की धरमजींनीच माझा हात धरलाय आणि ते मला मंचापर्यंत मदत करत आहेत,” अशा शब्दांत त्यांनी आपल्या भावना व्यक्त केल्या. सहकलाकार ते जीवनसाथी हा त्यांचा प्रवास आठवून त्या कमालीच्या भावुक झाल्या होत्या.
या ऐतिहासिक सोहळ्याला हेमा मालिनींसोबत त्यांची मुलगी अहाना आणि जावई वैभव वोहरा हजर होते. अहाना वडिलांचा हा सन्मान पाहून सतत टाळ्या वाजवत होती आणि तिच्याही डोळ्यांत पाणी होतं.
पण सर्वांना एकच प्रश्न पडला होता की, अशा महत्त्वाच्या क्षणी सनी देओल आणि बॉबी देओल कुठे आहेत? ईशा देओलने याबाबत एक पोस्ट करत चाहत्यांच्या प्रश्नांची उत्तरे दिली आहेत.
काही कारणांमुळे ईशाला या सोहळ्याला जाता आलं नाही. पण अहानाने मंचावर धर्मेंद्र यांच्या सर्व मुलांचं प्रतिनिधित्व केलं, त्यामुळे सनी आणि बॉबी देओल या सोहळ्याला हजर राहिले नाहीत, अशी माहिती इशाच्या पोस्टमधून समोर आली आहे.
आमच्या वडिलांची आम्हाला खूप आठवण येते आणि ते कायम आमच्या हृदयात राहतील, अशा भावुक प्रतिक्रिया ईशाने व्यक्त केल्या आहेत.
📌 महत्वाच्या बातम्या
- हवामान विभागाचा महाअलर्ट; ताशी ९० किमी वेगाने येणारं वादळ अन् १७ राज्यांत हाहाकार; पुढचे ७२ तास…
- रितेश देशमुखच्या ‘राजा शिवाजी’ने रचले असे ५ रेकॉर्ड्स जे मोडणं कठीण; अवघ्या 25 दिवसांत केली छप्परफाड कमाई
- मेरे करण-अर्जुन आ गए…..दिव्यांका त्रिपाठी झाली आई; लग्नाच्या १० वर्षांनंतर घरात दोन चिमुकल्यांची एन्ट्री!
बातम्यांसाठी YouTube चॅनेल Subscribe करा
Subscribe Now
