🕒 1 min read
‘बिग बॉस’च्या घरात कधी काय होईल, याचा काहीच नेम नसतो. जे स्पर्धक एकमेकांच्या जाण्यावर हसतात, त्यांच्यावरच रडण्याची वेळ कशी येते, याचा भन्नाट प्रत्यय Bigg Boss Marathi 6 च्या ताज्या भागात आलाय. ड्रामा क्वीन राखी सावंतच्या बाबतीत आता असा काही गेम पलटलाय की घरातील सदस्यांना अक्षरशः घाम फुटलाय.
भागाच्या सुरुवातीलाच राखीला घराबाहेर काढण्याची घोषणा झाली. बाऊन्सर्स तिला बाहेर नेण्यासाठी आले. हे पाहताच घरातील अनेक स्पर्धकांनी सुटकेचा निश्वास टाकला. काहींनी तर उघडपणे हसून आनंद साजरा केला. पण त्यांचा हा आनंद अगदी काही सेकंदांचाच ठरला. बिग बॉसने अचानक असा डाव टाकला की सर्वांचीच तंतरली.
Bigg Boss Marathi 6 Rakhi Sawant
राखीला बाहेर काढण्याऐवजी चक्क घराची ‘उत्तराधिकारी’ घोषित करण्यात आलं! ही घोषणा होताच हसणारे चेहरे एकदम पडले. विनोदवीर सागर कारंडेला बोलावून राखीला या पदाचा मुकूट घालण्यास सांगण्यात आलं. आता या नव्या अधिकारामुळे घरात मोठी खळबळ उडाली आहे. विशेष म्हणजे, राखी घरात आल्यापासून तिने रुचितासोबत जोरदार भांडण केलंय आणि तन्वीला प्राजक्ताविरुद्ध भडकवण्याचं कामही चोख बजावलंय.
एकीकडे घरातील सदस्य राखीच्या दहशतीखाली असताना, दुसरीकडे सागर कारंडे मात्र प्रचंड खुश आहे. तो राखीसोबत सतत फ्लर्ट करताना दिसतोय. आता ‘उत्तराधिकारी’ बनलेली राखी कोणाकोणाची विकेट काढणार आणि घरातील समीकरणं कशी बदलणार? याकडेच संपूर्ण महाराष्ट्राचं लक्ष लागून आहे.
📌 महत्वाच्या बातम्या
- सोने-चांदीचा भडका: एकाच दिवसात दरात मोठी उसळी; ‘हे’ नवे दर पाहून खरेदीदारांना फुटला घाम!
- ‘हिरव्या पोळी’ने बदललं नशीब! शून्यातून उभं केलं 10 वर्षांचं साम्राज्य, काय आहे ‘प्रसिका’ची Inside Story?
- हार्दिक पांड्याचं दुसरं प्रेम: मध्यरात्री शेअर केला ‘तो’ बोल्ड फोटो; विश्वचषकातच उडाली मोठी खळबळ!
बातम्यांसाठी YouTube चॅनेल Subscribe करा
Subscribe Now
