मुरादाबाद, 17 ऑक्टोबर: मुख्य निवडणूक आयुक्त ज्ञानेश कुमार यांच्याविरोधात सुरू असलेल्या आंदोलनावर ऑल इंडिया मजलिस इत्तेहादुल मुस्लिमीन (AIMIM) पक्षाचे उत्तर प्रदेशाध्यक्ष शौकत अली यांनी मुरादाबाद येथे मोठे भाष्य केले आहे. केवळ एका व्यक्तीला पदावरून हटवून काहीही साध्य होणार नाही, तर संपूर्ण व्यवस्थाच बदलण्यासाठी लढा दिला पाहिजे, अशी भूमिका त्यांनी मांडली आहे.
गेल्या पंधरा दिवसांपासून राजधानी दिल्लीत ज्ञानेश कुमार यांच्याविरोधात इंडिया आघाडी आणि सीजेपीने (CJP) मोठे आंदोलन उभारले आहे. राहुल गांधींसह इंडिया आघाडीच्या नेत्यांनी सुरुवातीला उग्र निदर्शने केली होती, त्यानंतर आता सीजेपीच्या नेत्यांनी ही बाजू उचलून धरली आहे. मात्र, आता या आंदोलनाची धार कमी होत असल्याचा आरोपही होऊ लागला आहे.
या मुद्यावर एआयएमआयएमचे प्रमुख असदुद्दीन ओवेसी यांनी याआधीच ज्ञानेश कुमार यांच्यावर टीका करत पक्षाची भूमिका स्पष्ट केली होती. आता शौकत अली यांनी या वादावर प्रतिक्रिया दिली आहे. 'एका ज्ञानेश कुमार यांना पदावरून हटवल्यावर दुसरा ज्ञानेश त्या पदावर येईल', असे सांगत त्यांनी केवळ एका व्यक्तीविरोधात न लढता सिस्टिम बदलण्याचे आवाहन केले आहे.
याचवेळी शौकत अली यांनी इंडिया आघाडीवरही जोरदार निशाणा साधला. इंडिया आघाडी आपल्या पक्षाशी भेदभाव करत असून, आम्हाला जाणीवपूर्वक वाळीत टाकण्याचे काम सुरू असल्याचा आरोप त्यांनी केला. तसेच, आम्हाला बैठकीलाही बोलावले जात नसल्याचे अली यांनी स्पष्ट केले.
📌 महत्वाच्या बातम्या
- प्रदीप पूर्णेकर हत्या प्रकरण: राम पूर्णेकरांची देवेंद्र फडणवीसांशी ठाण्यात भेट, मुख्यमंत्र्यांचा न्यायाचा शब्द
- मुख्य निवडणूक आयुक्तांच्या राजीनाम्यासाठी आंदोलन; CJP संस्थापक अभिजीत दिपकेंना मध्यरात्री अटक
- पुणे जिल्हाधिकारी कार्यालयात मोठा राडा; आमदार सुनील शेळकेंकडून RTI कार्यकर्त्याला मारहाणीचा आरोप
Quick Answers
केवळ एका व्यक्तीला पदावरून हटवून काही साध्य होणार नाही, एका ज्ञानेश कुमार यांना पदावरून हटवल्यावर दुसरा ज्ञानेश त्या पदावर येईल; त्यामुळे संपूर्ण व्यवस्थाच बदलण्यासाठी लढा दिला पाहिजे, अशी भूमिका शौकत अली यांनी मांडली.
गेल्या पंधरा दिवसांपासून राजधानी दिल्लीत ज्ञानेश कुमार यांच्याविरोधात इंडिया आघाडी आणि सीजेपीने (CJP) मोठे आंदोलन उभारले आहे.
इंडिया आघाडी आपल्या पक्षाशी भेदभाव करत असून, जाणीवपूर्वक वाळीत टाकण्याचे काम करत आहे तसेच बैठकीलाही बोलावले जात नाही, असा आरोप शौकत अली यांनी केला आहे.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
