🕒 1 min read
मुंबई – भारतीय क्रिकेटमध्ये सध्या जागा मिळवणं सोपं नाहीये, पण ती टिकवणं त्याहून कठीण झालंय, याचा प्रत्यय पुन्हा एकदा आलाय. कसोटी क्रिकेटमध्ये ज्याने आपल्या बॅटिंगने सध्या धुमाकूळ घातलाय, तो यशस्वी जयस्वाल (Yashasvi Jaiswal) अजूनही वनडे आणि टी-20 मध्ये आपली जागा पक्की करू शकलेला नाही. जेव्हा शुभमन गिल उपलब्ध नसतो, तेव्हाच त्याला संधी मिळते. पण आता हे चित्र बदलण्यासाठी एका माजी खेळाडूने यशस्वीला यशाचा कानमंत्र दिला आहे.
Aakash Chopra on Yashasvi Jaiswal IPL 2026
भारताचा माजी क्रिकेटपटू आणि प्रसिद्ध समालोचक आकाश चोप्रा यांनी यशस्वीला टीम इंडियाचा ‘ऑल फॉरमॅट प्लेयर’ बनण्यासाठी एक कडक चॅलेंज दिलंय. चोप्रा यांच्या मते, जर यशस्वीला तिन्ही फॉरमॅटमध्ये खेळायचं असेल, तर त्याला आयपीएल 2026 मध्ये (IPL 2026) आपल्या बॅटची जादू दाखवावी लागेल. युट्यूब चॅनेलवर बोलताना चोप्रा म्हणाले, “यशस्वी, मला तुझ्याकडून 400-450 रन्सचा सीझन नकोय. मला तुझ्याकडून या आयपीएलमध्ये तब्बल 700 रन्स हवे आहेत. जेव्हा तू इतक्या धावा करशील, तेव्हा निवड समितीला तुझी दखल घ्यावीच लागेल.”
आकाश चोप्रा यांनी भारतीय संघातील ‘डेप्थ’ म्हणजेच खेळाडूंच्या गर्दीकडेही लक्ष वेधलं आहे. न्यूझीलंडविरुद्धच्या आगामी मालिकेत यशस्वी संघात असूनही बाकावर बसण्याची शक्यता आहे. कारण शुभमन गिल आणि रोहित शर्मा ओपनिंगला असताना यशस्वीला संधी मिळणं कठीण आहे.
आकाश चोप्रा यांनी एक मोठी भविष्यवाणी सुद्धा केली आहे. फेब्रुवारी 2026 मध्ये होणाऱ्या टी-20 वर्ल्ड कपनंतर मात्र चित्र बदलेल. “वर्ल्ड कपनंतर यशस्वी जयस्वाल हा तिन्ही फॉरमॅटमध्ये खेळणारा भारताचा नियमित खेळाडू बनेल,” असा विश्वास चोप्रा यांनी व्यक्त केला आहे. जुलै 2024 पासून यशस्वीने एकही टी-20 मॅच खेळलेली नाही, त्यामुळे आता आयपीएलची कामगिरीच त्याचं नशीब ठरवणार आहे, हे नक्की!
📌 महत्वाच्या बातम्या
- ‘बॉम्बे’ महाराष्ट्राचं शहर नाही? भाजप नेत्याच्या वक्तव्याने मुंबईत आगडोंब; विरोधकांच्या हाती आयतं कोलीत!
- पुण्यात मोठा राजकीय भूकंप! अजित पवार-सुप्रिया सुळे एकाच मंचावर; भाजपचं टेन्शन वाढवणारी ‘ती’ बातमी!
- ३३० धावांचा पाऊस की गोलंदाजांची दहशत? वडोदऱ्याच्या पिचवर काय घडणार? वाचा ‘इनसाईड’ रिपोर्ट
बातम्यांसाठी YouTube चॅनेल Subscribe करा
Subscribe Now
