दादर, 30 ऑक्टोबर: गुरुवारी दादरमध्ये ‘हास्यरेषा’ या पुस्तकाच्या प्रकाशन सोहळ्याला मुख्यमंत्री देवेंद्र फडणवीस (Devendra Fadnavis), माजी मुख्यमंत्री उद्धव ठाकरे आणि मनसे अध्यक्ष राज ठाकरे एकाच मंचावर आले. महाराष्ट्राच्या राजकारणातील या दुर्मिळ घटनेचे फोटो सध्या देशभर आणि सोशल मीडियावर प्रचंड व्हायरल होत आहेत. विधान परिषदेच्या निवडणुकांचे निकाल लागल्यानंतर हे तिन्ही नेते एकत्र आल्याने भविष्यातील राजकीय समीकरणांबाबत तर्कवितर्क लढवले जात आहेत.
प्रशांत कुलकर्णी यांच्या ‘हास्यरेषा’ पुस्तकाच्या प्रकाशनानिमित्त दादरच्या स्वातंत्र्यवीर सावरकर सभागृहात हा सोहळा पार पडला. विधान परिषद निवडणुकीतील पराभवानंतर दिवसभर भाजप आणि शिंदे गटामध्ये आरोप-प्रत्यारोप सुरू असतानाच, संध्याकाळी हे तीन प्रमुख नेते एकत्र दिसल्याने या घटनेला विशेष महत्त्व प्राप्त झाले. त्यातच कार्यक्रमापूर्वी या तिन्ही नेत्यांनी बंद दाराआड चर्चा केल्याने राजकीय चर्चांना आणखी उधाण आले.
ठाकरे बंधूंमध्ये नुकत्याच झालेल्या दिलजमाईनंतर हे तिन्ही नेते पहिल्यांदाच सार्वजनिक व्यासपीठावर एकत्र आले आहेत. मुख्य निवडणूक आयुक्तांविरोधातील आंदोलन, एमपीएससी विद्यार्थ्यांचा प्रश्न, धर्मेंद्र प्रधान यांच्या विरोधातील निदर्शने आणि कर्जतमधील वृक्षतोडीच्या मुद्द्यांवरून दोन्ही ठाकरे बंधूंनी अलीकडेच फडणवीस सरकारला चांगलेच धारेवर धरले होते. या सर्व तणावपूर्ण पार्श्वभूमीवर त्यांची एकत्र उपस्थिती लक्षवेधी ठरली.
यावेळी बोलताना मुख्यमंत्री देवेंद्र फडणवीस यांनी राजकीय फटकेबाजी केली. “आम्हा तिघांना एकत्र पाहून काहींना पोटशूळ का उठला माहीत नाही. मात्र, आम्ही एकाच मंचावर आलो याचे आम्हाला आश्चर्य वाटत नाही, कारण ही महाराष्ट्राची परंपरा आहे,” असे फडणवीस म्हणाले. भिन्न विचारांचे नेते एकत्र येऊन चहा पिऊ शकतात आणि हास्यविनोद करू शकतात, असे सांगतानाच त्यांनी उद्धव ठाकरेंनाही चिमटा काढला. “२०१९ पर्यंत उद्धवजी मला जेव्हा बोलवायचे तेव्हा मी जायचो. पण २०१९ नंतर त्यांनी फोनच केला नाही, मी वाट पाहत होतो,” अशी टिप्पणी त्यांनी केली.
मनसे प्रमुख राज ठाकरे यांनीही या अनोख्या एकत्रीकरणावर भाष्य केले. “आम्ही तिघे एका मंचावर कसे, असा विचार काही लोक करत असतील. पण काही व्यासपीठे अशी असतात जिथे राजकारण बाजूला ठेवून सर्वजण एकत्र येतात,” असे राज ठाकरे म्हणाले. अशा कार्यक्रमांमध्ये राजकारणाऐवजी कला आणि संस्कृतीवर चर्चा होत असल्याने, भिन्न विचारधारेचे लोक एकत्र येणे अत्यंत स्वाभाविक असल्याचे त्यांनी स्पष्ट केले.
📌 महत्वाच्या बातम्या
- वोडका पिऊन किसिंग सीन शूट केला; अभिनेत्री नायरा बॅनर्जीचा धक्कादायक खुलासा
- गोकुळ निवडणुकीत समांतर सभेचा थरार; ‘तेव्हा मी जातीवादी नव्हतो का?’, सतेज पाटलांचा हसन मुश्रीफांवर पलटवार
- सणासुदीत भेसळ करणाऱ्यांची खैर नाही; तुकाराम मुंढेंची पत्रकार परिषदेत मोठी घोषणा, १९ कोटींचे मसाले जप्त
Quick Answers
प्रशांत कुलकर्णी यांच्या 'हास्यरेषा' या पुस्तकाच्या प्रकाशन सोहळ्यानिमित्त दादरच्या स्वातंत्र्यवीर सावरकर सभागृहात हे तिन्ही नेते एकाच मंचावर आले होते.
आम्ही एकाच मंचावर आलो याचे आम्हाला आश्चर्य वाटत नाही कारण ही महाराष्ट्राची परंपरा आहे, असे फडणवीस म्हणाले. तसेच भिन्न विचारांचे नेते एकत्र येऊन चहा पिऊ शकतात आणि हास्यविनोद करू शकतात, असेही त्यांनी नमूद केले.
२०१९ पर्यंत उद्धव ठाकरे जेव्हा बोलवायचे तेव्हा आपण जायचो, पण २०१९ नंतर त्यांनी फोनच केला नाही आणि आपण वाट पाहत होतो, अशी टिप्पणी फडणवीस यांनी केली.
काही व्यासपीठे अशी असतात जिथे राजकारण बाजूला ठेवून सर्वजण एकत्र येतात, असे राज ठाकरे यांनी स्पष्ट केले. अशा कार्यक्रमांमध्ये कला आणि संस्कृतीवर चर्चा होत असल्याने भिन्न विचारधारेचे लोक एकत्र येणे स्वाभाविक असल्याचे त्यांनी सांगितले.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
