Cape Town, 30 ऑक्टोबर: दक्षिण आफ्रिका क्रिकेट संघाचा कर्णधार टेम्बा बावुमाने कसोटी क्रिकेटमध्ये ४,००० धावांचा टप्पा पूर्ण करत नवा विक्रम नोंदवला आहे. ऑस्ट्रेलियाविरुद्ध केपटाऊन येथे सुरू असलेल्या मालिकेतील तिसऱ्या आणि निर्णायक कसोटी सामन्यात त्याने ही महत्त्वपूर्ण कामगिरी केली. सध्या संघ दडपणाखाली असून मालिका आणि सामना वाचवण्यासाठी बावुमाकडून मोठ्या खेळीची नितांत गरज आहे.
दुसऱ्या डावातील १७व्या षटकात ऑस्ट्रेलियन कर्णधार आणि वेगवान गोलंदाज पॅट कमिन्सच्या चेंडूवर फाईन लेगच्या दिशेने एक धाव घेत बावुमाने ४ हजार धावांचा टप्पा ओलांडला. कसोटी क्रिकेटमध्ये ही कामगिरी करणारा तो अकरावा दक्षिण आफ्रिकन खेळाडू ठरला आहे.
या टप्प्यावर पोहोचणारा बावुमा देशाचा दुसरा सर्वात वयस्कर खेळाडू ठरला आहे. त्याने वयाच्या ३६ वर्षे आणि १६५व्या दिवशी हा टप्पा गाठला. यापूर्वी माजी कर्णधार फाफ डु प्लेसिसने ३६ वर्षे आणि १६८व्या दिवशी हा विक्रम केला होता. तसेच, ४ हजार धावा पूर्ण करण्यासाठी बावुमाला ११९ डाव खेळावे लागले. मार्क बाऊचरनंतर हा टप्पा गाठणारा तो दक्षिण आफ्रिकेचा दुसरा सर्वात संथ फलंदाज आहे.
या सामन्यात खेळपट्टीवर गवत नसताना आणि ऊन पडलेले असतानाही पॅट कमिन्सने नाणेफेक जिंकून प्रथम गोलंदाजीचा धक्कादायक निर्णय घेतला होता. खेळपट्टीवरील ओलाव्याचा फायदा घेण्यासाठी आपण हा निर्णय घेतल्याचे कमिन्सने स्पष्ट केले होते. पहिल्या सत्रात वर्चस्व गाजवताना दक्षिण आफ्रिकेचे सलामीवीर एडन मार्करम आणि मार्केस अकरमन यांनी चांगली सुरुवात करून दिली होती. अकरमनचे शतक अवघ्या ५ धावांसाठी हुकले. यजमान संघाने पहिल्या डावात ३२९ धावा उभारल्या.
याला प्रत्युत्तर देताना ऑस्ट्रेलियाने पहिल्या डावात ४२९ धावा करत १०० धावांची आघाडी घेतली. केपटाऊनची खेळपट्टी संथ असून ती फलंदाजांच्या संयमाची परीक्षा घेत आहे. अशा खेळपट्टीवर ऑस्ट्रेलियन फलंदाज जोश इंग्लिसने शानदार शतक झळकावले, तर ॲलेक्स कॅरीने त्याला महत्त्वपूर्ण भागीदारी करत उत्तम साथ दिली.
गोलंदाजीच्या रणनीतीत बदल करत ऑस्ट्रेलियन संघाने धावगतीला लगाम घालत सामन्यात जोरदार पुनरागमन केले आहे. तीन सामन्यांच्या या मालिकेतील हा शेवटचा सामना असून, हा सामना जिंकणारा संघ मालिकाही खिशात घालेल. त्यामुळे योग्य तंत्र आणि संयम असलेल्या बावुमाच्या खेळीवर दक्षिण आफ्रिकेचे भवितव्य अवलंबून आहे.
📌 महत्वाच्या बातम्या
- सणासुदीत भेसळ करणाऱ्यांची खैर नाही; तुकाराम मुंढेंची पत्रकार परिषदेत मोठी घोषणा, १९ कोटींचे मसाले जप्त
- प्रदीप पूर्णेकर हत्या प्रकरण: एकनाथ शिंदेंनी पोलीस आयुक्तांना फोन करून काय दिले होते निर्देश?
- ‘फेकनाथमध्ये हिंमत असती तर…’ प्रदीप पूर्णेकर प्रकरणावरून आदित्य ठाकरेंचा संताप
Quick Answers
दक्षिण आफ्रिकेचा कर्णधार टेम्बा बावुमाने कसोटी क्रिकेटमध्ये ४,००० धावांचा टप्पा पूर्ण केला आहे. कसोटी क्रिकेटमध्ये अशी कामगिरी करणारा तो अकरावा दक्षिण आफ्रिकन खेळाडू ठरला आहे.
ऑस्ट्रेलियाविरुद्ध केपटाऊन येथे सुरू असलेल्या तिसऱ्या कसोटी सामन्याच्या दुसऱ्या डावात, १७व्या षटकात पॅट कमिन्सच्या चेंडूवर एक धाव घेत बावुमाने हा टप्पा ओलांडला.
बावुमाने वयाच्या ३६ वर्षे आणि १६५व्या दिवशी हा टप्पा गाठला असून, या टप्प्यावर पोहोचणारा तो दक्षिण आफ्रिकेचा दुसरा सर्वात वयस्कर खेळाडू ठरला आहे.
दक्षिण आफ्रिकेने पहिल्या डावात ३२९ धावा उभारल्या, तर याला प्रत्युत्तर देताना ऑस्ट्रेलियाने पहिल्या डावात ४२९ धावा करत १०० धावांची आघाडी घेतली.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
