प्रतिनिधी, 30 ऑक्टोबर: विधान परिषदेच्या निवडणुकीत महाविकास आघाडीला मिळालेल्या यशानंतर राष्ट्रवादी काँग्रेस शरदचंद्र पवार पक्षाच्या नेत्या रोहिणी खडसे यांनी सरकारवर जोरदार टीका केली आहे. महाविकास आघाडीने ५ पैकी ३ जागा जिंकल्या असून, सरकार बॅलेट पेपरवर निवडणुका घेण्यास घाबरत असल्याचा आरोप खडसे यांनी केला आहे. त्यांनी पुन्हा एकदा निवडणुका बॅलेट पेपरवर घेण्याची मागणी केली आहे.
माध्यमांशी बोलताना रोहिणी खडसे म्हणाल्या की, विधान परिषद निवडणुकीतील यश हे नेते आणि पदाधिकाऱ्यांच्या मेहनतीचे तसेच लोकांनी दाखवलेल्या विश्वासाचे फळ आहे. बॅलेट पेपरवरील निवडणुकांवर आमचा विश्वास असून यात महाविकास आघाडीला यश मिळत आहे. सध्या महायुती सरकारबाबत लोकांमध्ये आणि विद्यार्थ्यांमध्ये प्रचंड नाराजी आहे. पेपरफुटी प्रकरणातील आरोपींना सरकार पाठीशी घालत असून रस्त्यावर उतरून आंदोलन करणाऱ्या विद्यार्थ्यांच्या मागणीनंतरही दोषींवर कारवाई झालेली नाही. यातूनच पदवीधर मतदारांनी आपला रोष मतदानातून व्यक्त केल्याचे त्या म्हणाल्या.
पक्षाच्या महिला आघाडीच्या महाराष्ट्र दौऱ्याबाबत माहिती देताना खडसे यांनी राज्यातील ग्रामीण भागातील परिस्थिती मांडली. आर्थिक भार सहन होत नसल्याने मुलांचे शिक्षण सुरू ठेवून मोठ्या प्रमाणावर मुलींचे शिक्षण थांबवले जात आहे. ही परिस्थिती पिढ्यानपिढ्या चालत आलेली असून आजही अनेक जिल्ह्यांमध्ये कुपोषित बालकांची संख्या मोठी आहे. या समस्या जाणून घेत त्या सरकारच्या निदर्शनास आणून देण्यासाठी हा दौरा सुरू असल्याचे त्यांनी स्पष्ट केले.
राज्यातील महिलांच्या प्रश्नांवर बोलताना त्यांनी एका गंभीर मुद्द्याकडे लक्ष वेधले. रोजंदारी बुडू नये आणि मासिक पाळीचा त्रास टाळण्यासाठी महिलांची गर्भपिशवी काढली जाणे हे महाराष्ट्राचे दुर्दैव असल्याचे त्या म्हणाल्या. यापूर्वी ऊसतोड कामगार महिलांच्या बाबतीतही असे घडले होते. यावर सरकारने तातडीने निर्णय घ्यावा आणि रोजगार जाणाऱ्या महिलांसाठी वेगळी मदत देणारे स्वतंत्र पॅकेज जाहीर करावे, अशी मागणी त्यांनी केली.
सध्याच्या दुष्काळग्रस्त परिस्थितीच्या पार्श्वभूमीवर सरकारने सक्तीच्या कर्जवसुलीला स्थगिती दिलेली आहे. मात्र, तरीही फायनान्स कंपन्या कर्ज भरण्यासाठी महिलांना त्रास देत असतील, तर त्यांच्यावर गुन्हे दाखल होऊ शकतात, असा इशारा खडसे यांनी दिला. दबाव आणणाऱ्या कंपन्यांविरोधात महिलांनी तक्रार करावी. तसेच, त्रास होत असल्यास राष्ट्रवादी काँग्रेस शरदचंद्र पवार पक्षाच्या महिला जिल्हाध्यक्षांशी किंवा पदाधिकाऱ्यांशी संपर्क साधावा, पक्ष त्यांना न्याय मिळवून देण्यासाठी प्रयत्न करेल, असे आवाहनही रोहिणी खडसे यांनी केले आहे.
📌 महत्वाच्या बातम्या
- ‘२०२९ पर्यंत मुख्यमंत्र्यांना ठेवा म्हणजे झालं’; राज ठाकरेंच्या मिश्किल टोलेबाजीने पिकला हशा
- फडणवीस आणि दोन्ही ठाकरे एकाच मंचावर; ‘हास्यरेषा’च्या प्रकाशनात रंगली राजकीय फटकेबाजी
- लाडकी बहीण योजना: सप्टेंबरच्या हप्त्यासाठी ३४४.६२ कोटींचा निधी वितरीत, १५०० रुपये लवकरच खात्यात
Quick Answers
विधान परिषद निवडणुकीत महाविकास आघाडीने ५ पैकी ३ जागा जिंकल्या आहेत.
महायुती सरकारबाबत लोकांमध्ये आणि विद्यार्थ्यांमध्ये प्रचंड नाराजी आहे. पेपरफुटी प्रकरणातील आरोपींना सरकार पाठीशी घालत असून आंदोलनानंतरही दोषींवर कारवाई न झाल्याने पदवीधर मतदारांनी आपला रोष व्यक्त केल्याचे रोहिणी खडसे यांनी म्हटले आहे.
रोजंदारी बुडू नये आणि मासिक पाळीचा त्रास टाळण्यासाठी महिलांची गर्भपिशवी काढली जाण्याच्या प्रकारावर सरकारने निर्णय घ्यावा आणि रोजगार जाणाऱ्या महिलांसाठी स्वतंत्र पॅकेज जाहीर करावे, अशी मागणी त्यांनी केली.
सरकारने सक्तीच्या कर्जवसुलीला स्थगिती दिली असतानाही जर फायनान्स कंपन्या महिलांना कर्ज भरण्यासाठी त्रास देत असतील, तर त्यांच्यावर गुन्हे दाखल होऊ शकतात, असा इशारा खडसे यांनी दिला.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
