प्रतिनिधी, 15 ऑक्टोबर: मराठवाडा पदवीधर मतदारसंघाच्या निवडणुकीत शरद पवार साहेबांनी कोणता उमेदवार द्यायचा, हा त्यांचा प्रश्न आहे. आम्ही मात्र आमच्या ताकदीवर ही निवडणूक लढू, अशी स्पष्ट भूमिका राष्ट्रवादी काँग्रेसचे नेते सुनील तटकरे यांनी मांडली आहे.
या निवडणुकीत अजित पवार यांच्या राष्ट्रवादी काँग्रेसकडून सतीश चव्हाण, तर शरद पवार यांच्या गटाकडून डॉ. प्रतापसिंह पाटील हे रिंगणात आहेत. सध्या सतीश चव्हाण यांच्या प्रचारानिमित्त सुनील तटकरे धाराशिव जिल्ह्याच्या दौऱ्यावर आहेत. या लढतीवर भाष्य करताना त्यांनी सांगितले की, यापूर्वी विधानसभा निवडणुकीतही दोन्ही राष्ट्रवादी काँग्रेस एकमेकांसमोर उभ्या ठाकल्या होत्या. त्यावेळी अजित पवार यांच्या मार्गदर्शनाखाली पक्षाने प्रचंड यश मिळवले होते.
आता सुनेत्रा पवार यांच्या मार्गदर्शनाखाली विधान परिषदेच्या जागाही जिंकण्याचा विश्वास तटकरे यांनी व्यक्त केला. या दौऱ्यादरम्यान त्यांनी शेतकऱ्यांच्या प्रश्नांवरही लक्ष वेधले. शेतकऱ्यांना मिळणाऱ्या पाच हजार रुपयांच्या अग्रीम रकमेवरून त्यांच्यात तीव्र नाराजी असल्याचे तटकरे म्हणाले. या प्रश्नावर आपण मुख्यमंत्री देवेंद्र फडणवीस यांची भेट घेऊन सविस्तर चर्चा करणार असल्याचे त्यांनी स्पष्ट केले.
अजित पवार राज्याचे अर्थमंत्री असताना त्यांनी आपत्कालीन मदतीबाबत काही महत्त्वाचे निर्णय घेतले होते, याची आठवण तटकरेंनी करून दिली. सध्या अर्थखाते मुख्यमंत्री देवेंद्र फडणवीस यांच्याकडे आहे. मात्र, हे खाते राष्ट्रवादी काँग्रेसलाच मिळावे, अशी पक्षाची प्रमुख मागणी असल्याचे मोठे वक्तव्य तटकरे यांनी केले. एका बाजूला निवडणुकीची रणधुमाळी सुरू असताना, अग्रीम रक्कम आणि अर्थखात्याच्या या मागणीमुळे राजकीय घडामोडींना वेग आला आहे.
📌 महत्वाच्या बातम्या
- शेतकऱ्यांसाठी ५ हजारांची मदत अपुरी; वाढीव मदतीसाठी मुख्यमंत्र्यांना भेटणार – सुनील तटकरे
- आयपीएल २०२७: मुंबई इंडियन्सने रोहित शर्माला पुन्हा कर्णधार करावे, आर. अश्विनचा मोठा सल्ला
- महाराष्ट्रात रिक्षा-टॅक्सी चालकांना मराठी सक्तीची? सर्वोच्च न्यायालयाने राज्य सरकारला बजावली नोटीस
Quick Answers
या निवडणुकीत अजित पवार यांच्या राष्ट्रवादी काँग्रेसकडून सतीश चव्हाण, तर शरद पवार यांच्या गटाकडून डॉ. प्रतापसिंह पाटील रिंगणात आहेत.
शेतकऱ्यांना मिळणाऱ्या पाच हजार रुपयांच्या अग्रीम रकमेवरून नाराजी असल्याने, या प्रश्नावर चर्चा करण्यासाठी तटकरे मुख्यमंत्री देवेंद्र फडणवीस यांची भेट घेणार आहेत.
सध्या अर्थखाते मुख्यमंत्री देवेंद्र फडणवीस यांच्याकडे असले तरी, हे खाते राष्ट्रवादी काँग्रेसलाच मिळावे अशी पक्षाची प्रमुख मागणी असल्याचे वक्तव्य सुनील तटकरे यांनी केले आहे.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
