आकाशवाणी भवनात घुसल्याप्रकरणी राहुल आणि प्रियंका गांधींवर दिल्लीत गुन्हा दाखल

प्रतिनिधी, 8 ऑक्टोबर: काँग्रेस नेते राहुल गांधी आणि प्रियंका गांधी यांच्यावर दिल्ली पोलिसांनी एफआयआर दाखल केला आहे. इंडिया आघाडीच्या आंदोलनादरम्यान आकाशवाणी भवनात जबरदस्तीने घुसण्याचा प्रयत्न केल्याप्रकरणी त्यांच्यावर हा गुन्हा नोंदवण्यात आला आहे.

मुख्य निवडणूक आयुक्त ज्ञानेश कुमार यांच्या कथित घोटाळ्याच्या विरोधात इंडिया आघाडीने दिल्लीत हे आंदोलन पुकारले होते. संसदभवन ते निवडणूक आयोगाच्या कार्यालयापर्यंत काढण्यात आलेल्या या मोर्चात इंडिया आघाडीचे १४० खासदार सहभागी झाले होते. आंदोलकांनी निवडणूक आयोगाच्या कार्यालयात घुसू नये यासाठी संसदेपासून निवडणूक आयोगापर्यंत रस्त्यांवर बॅरिकेड्स लावून पोलिसांचा मोठा बंदोबस्त तैनात करण्यात आला होता.

पोलिसांनी हा मोर्चा आकाशवाणी भवनापासून ४०० मीटर अंतरावरच अडवला. त्यामुळे राहुल गांधी, प्रियंका गांधी आणि इतर नेत्यांनी संध्याकाळपर्यंत तिथेच ठिय्या आंदोलन केले. काल रात्री दिल्ली पोलिसांनी आंदोलकांना आणि इंडिया आघाडीच्या अनेक नेत्यांना ताब्यात घेतले होते, मात्र नंतर त्यांना सोडून देण्यात आले.

पोलिसांनी सुटका केल्यानंतर राहुल आणि प्रियंका गांधी यांनी पुन्हा ठिय्या आंदोलन सुरू केले. त्यानंतर त्यांनी आकाशवाणी भवनाकडे कूच केली. पोलिसांनी अडवल्यानंतरही कुणालाही न जुमानता त्यांनी इमारतीत प्रवेश केला, याच कारणावरून दिल्ली पोलिसांनी त्यांच्यावर (Rahul Gandhi) गुन्हा दाखल केला आहे.

📌 महत्वाच्या बातम्या

• बंगळूरुमध्ये SIR प्रक्रियेविरोधात ८ ऑक्टोबरला आंदोलन; ध्रुव राठी सहभागी होणार
• मुख्य निवडणूक आयुक्तांच्या राजीनाम्यासाठी आक्रमक; राहुल गांधींना दिल्ली पोलिसांनी पुन्हा घेतले ताब्यात
• ५ हजार कोटींचा दावा ठोका; नवनाथ बन यांचे शिवराज मोरे यांना आव्हान, ड्रग्जप्रकरणी चौकशीची मागणी

📰 पूर्ण बातमीचा Newspaper फोटो तयार करा