प्रतिनिधी, 7 ऑक्टोबर: एका तरुणीसोबतचा व्हिडिओ व्हायरल झाल्यानंतर नवनाथ बन (Navnath Ban) आणि शिवराज मोरे यांच्यातील वाद आणखी चिघळला आहे. नवनाथ बन यांनी केलेल्या गंभीर आरोपांना उत्तर देण्यासाठी शिवराज मोरे यांनी नुकतीच पत्रकार परिषद घेतली होती. यात त्यांनी बन यांच्यावर टीका करत त्यांच्यावर अब्रुनुकसानीचा दावा दाखल करण्याचा इशारा दिला होता. मोरे यांच्या या इशाऱ्यानंतर प्रतिक्रिया देताना नवनाथ बन यांनी त्यांना थेट ५ हजार कोटी रुपयांचा अब्रुनुकसानीचा दावा दाखल करण्याचे आव्हान दिले आहे.
या प्रकरणातील तरुणीबद्दल आपण कोणतेही अपशब्द वापरले नसल्याचे बन यांनी स्पष्ट केले आहे. मात्र, त्यांनी मोरे यांच्या भूमिकेवर अनेक प्रश्न उपस्थित केले. मदतीसाठी गेले असता मोरे यांनी हाणामारी का केली आणि त्यासाठी ते आंदोलन सोडून का गेले, अशी विचारणा बन यांनी केली. तसेच, तरुणीला त्रास देणाऱ्याविरोधात मोरे यांनी कोणत्या पोलीस ठाण्यात तक्रार केली आणि सापडलेले ड्रग्ज पोलिसांच्या स्वाधीन केले की स्वतःकडेच ठेवले, असे सवालही त्यांनी उपस्थित केले.
ड्रग्ज सापडल्यावर ते पोलिसांच्या स्वाधीन न करणे हा मोठा गुन्हा असल्याचे सांगत, पुणे पोलिसांनी या प्रकरणाचा सखोल तपास करावा, अशी मागणी नवनाथ बन यांनी केली आहे. या वादाव्यतिरिक्त, बन यांनी रोहित पवार यांच्या आंदोलनावरही गंभीर आरोप केले. या आंदोलनात केवळ २० टक्के विद्यार्थी असून उर्वरित ८० टक्के लोक ‘बारामती ॲग्रो’चे असल्याचा दावा त्यांनी केला आहे. हे आंदोलन विनाकारण ताणून राहुल गांधी यांना तिथे आणायचे आणि त्यानंतर प्रदेशाध्यक्षपद मागायचे, असा यामागील उद्देश असल्याचा आरोपही बन यांनी केला.
📌 महत्वाच्या बातम्या
- ‘इंडिया’ आघाडीच्या खासदारांवर पोलिसांचा बळप्रयोग; काँग्रेसकडून ८ ऑक्टोबर रोजी ‘काळा दिवस’ची घोषणा
- अस्सल गावरान मिरचीचा ठेचा: घरी बनवण्याची सोपी कृती आणि साहित्य
- पुणे पदवीधरच्या जागेवरून राष्ट्रवादीत जुंपली; सुनील तटकरेंवर रुपाली ठोंबरेंचे गंभीर आरोप
Quick Answers
शिवराज मोरे यांनी अब्रुनुकसानीचा दावा दाखल करण्याचा इशारा दिल्यानंतर, नवनाथ बन यांनी त्यांना थेट ५ हजार कोटी रुपयांचा अब्रुनुकसानीचा दावा दाखल करण्याचे आव्हान दिले आहे.
ड्रग्ज सापडल्यावर ते पोलिसांच्या स्वाधीन न करणे हा मोठा गुन्हा असल्याचे सांगत, पुणे पोलिसांनी या प्रकरणाचा सखोल तपास करावा, अशी मागणी नवनाथ बन यांनी केली आहे.
नवनाथ बन यांच्या दाव्यानुसार, रोहित पवार यांच्या आंदोलनात केवळ २० टक्के विद्यार्थी असून उर्वरित ८० टक्के लोक ‘बारामती ॲग्रो’चे आहेत. तसेच हे आंदोलन विनाकारण ताणून राहुल गांधी यांना तिथे आणायचे आणि त्यानंतर प्रदेशाध्यक्षपद मागायचे, असा यामागील उद्देश असल्याचा आरोप त्यांनी केला आहे.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
