2000 Note मुंबई: रिझर्व्ह बँकेने वितरणातून काढून टाकलेल्या २,००० रुपयांच्या सुमारे ९७.६९ टक्के नोटा बँकांकडे परत आल्या आहेत आणि ८,२०२ कोटी रुपये मूल्याच्या नोटा अजूनही लोकांकडे असल्याचे मध्यवर्ती बँकेकडून स्पष्ट करण्यात आले.
रिझर्व्ह बँकेने १९ मे २०२३ रोजी २,००० रुपयांच्या नोटा चलनातून मागे घेण्याची घोषणा केली होती आणि या नोटा बँक खात्यात जमा करण्यासाठी किंवा बदलून घेण्यासाठी लोकांना ३० सप्टेंबर २०२३ पर्यंत मुदत दिली गेली होती. नंतर ही अंतिम मुदत ७ ऑक्टोबर २०२३ पर्यंत वाढवण्यात आली होती.
रिझर्व्ह बँकेने नोटा चलनातून बाद करण्याची घोषणा ज्या दिवशी केली त्या १९ मे २०२३ रोजी कामकाज समाप्तीच्या वेळी चलनात असलेल्या दोन हजारांच्या नोटांचे एकूण मूल्य ३.५६ लाख कोटी रुपये होते.
तर २९ मार्च २०२४ रोजी कामकाज समाप्तीच्या वेळी अद्याप लोकांहाती असलेल्या या नोटांचे मूल्य ८,२०२ कोटी रुपयांवर घसरल्याचे रिझर्व्ह बँकेने प्रसिद्धीस दिलेल्या निवेदनात म्हटले आहे.
महत्वाच्या बातम्या
- दुष्काळग्रस्त भागातील दहावी, बारावीच्या विद्यार्थ्यांना शुल्कमाफी
- माझा नवरा भाजपचा आमदार, मी कशाला अजित पवारांची राष्ट्रवादी वाढवू? अजित पवारांना मोठा धक्का
- सुधीर मुनगंटीवारांना पॉवरफुल शिलाजीत देऊ, काम अती जोरात होईल – नितीन गडकरी
- शिंदे-फडणवीसांना जोरदार झटका; महायुतीच्या मोठ्या नेत्याचा काँग्रेसला पाठिंबा
