🕒 1 min read
Supriya Sule | मुंबई: अजित पवार यांनी केलेल्या बंडखोरीला एक महिन्याहून अधिक काळ उलटून गेला आहे. मात्र, या कालावधीमध्ये शरद पवार गट आणि अजित पवार गट दोन्हीमध्ये मतभेद असल्याचं दिसून आलं नाही.
अजित पवार यांनी केलेल्या बंडखोरीनंतर शरद पवार आणि अजित पवार यांच्या वारंवार बैठकी होतच राहिल्या. या सर्व प्रकरणानंतर खासदार सुप्रिया सुळे यांनी मोठं वक्तव्य केलं आहे.
अजित पवार गटाशी आमचा वैचारिक लढा आहे. परंतु, कुटुंब म्हणून आम्ही एकत्र असल्याचं सुप्रिया सुळे यांनी म्हटलं आहे. सुप्रिया सुळे यांच्या या वक्तव्यानंतर राज्याच्या राजकीय वर्तुळात चर्चांना उधाण आलं आहे.
We have an ideological fight with the Ajit Pawar group – Supriya Sule
अजित पवारांसाठी परतीचा मार्ग खुला आहे का? या प्रश्नाचं उत्तर देत सुप्रिया सुळे म्हणाल्या, “या सर्व घटना आमच्यासाठी खूप निराशाजनक आहे.
मात्र, त्यांना परत येण्याची परवानगी आहे, असं नाही. त्याचबरोबर ते परत येतील की नाही याबद्दल मी काहीच सांगू शकत नाही. परंतु, कुटुंब म्हणून आम्ही एकत्र राहण्याचा पूर्ण प्रयत्न करणार आहोत.
कुटुंबामध्ये राजकारण येऊ नये यासाठी आम्ही प्रयत्न करणार आहोत. कारण अजित पवार गटाशी आमचा वैचारिक लढा आहे आणि कुटुंब म्हणून आम्ही एकत्र आहोत.”
राष्ट्रवादीचे नेते आणि अजित पवार भाजपसोबत गेले हे तुम्हाला अपेक्षित होतं का? यावर सुप्रिया सुळे (Supriya Sule) उत्तर देत म्हणाल्या, “अजित पवार काही आमदारांसह भाजप सोबत गेले यामागे काहीतरी विशेष कारण असेल.
मात्र, पक्षात बंडखोरी केलेल्या नेत्यांनी कोणत्याही प्रकारचे आरोप केलेले नाही. भाजपसोबत जायचं की नाही? हा एकच त्यांच्या समोर प्रश्न होता. पक्षातील काही नेत्यांना भाजपसोबत जाणं योग्य वाटलं आणि ते भाजपसोबत गेले. मात्र, आम्हाला ते योग्य वाटलं नाही.”
महत्वाच्या बातम्या
- Eknath Khadse | देवेंद्र फडणवीस म्हणजे खोटारडा माणूस – एकनाथ खडसे
- Samruddhi Highway | राज्य सरकारला नोटीस; समृद्धी महामार्गावरील वाहतूक थांबणार?
- Anil Bonde | विरोधकांना बोलण्यासाठी नाक राहिलं नाही; अनिल बोंडेंची शरद पवारांवर खोचक टीका
- Rahul Narwekar | आमदारांच्या अपात्रतेवर कधी कारवाई होईल? राहुल नार्वेकर म्हणतात…
- Uddhav Thackeray | शिवसैनिक चुकीला माफी देतो, पाप करणाऱ्यांना नाही; उद्धव ठाकरेंचा शिंदे गटाला इशारा
बातम्यांसाठी YouTube चॅनेल Subscribe करा
Subscribe Now
