Weather Update | टीम महाराष्ट्र देशा: राज्यातील वातावरणात सातत्याने बदल होताना दिसत आहे. मार्च महिन्याच्या सुरुवातीलाच राज्यात बहुतांश ठिकाणी अवकाळी पावसाने (Unseasonal rain) हजेरी लावली. अशात पुढचे तीन दिवस पुण्यासह परिसरात उन्हाचा चटका वाढण्याची शक्यता हवामान विभागाकडून वर्तवण्यात आली आहे. पुणे शहरात दिवसभर आकाश निरभ्र राहील, असा अंदाज देखील हवामान विभागाने दिला आहे. तर विदर्भातील बहुतांश ठिकाणी अवकाळी पावसाची शक्यता कायम आहे.
येत्या तीन दिवसांमध्ये पुणे शहरातील कमाल आणि किमान तापमानात तीन ते पाच अंश सेल्सिअसने वाढवण्याची शक्यता हवामान खात्याकडून वर्तवण्यात (Weather Update) आली आहे. सोमवारी (20 मार्च) पुणे शहरामध्ये 31 अंश सेल्सिअस कमाल आणि 16.3 अंश सेल्सिअस किमान तापमान नोंदविण्यात आले आहे. सोमवारी पुणे शहरात ढगाळ वातावरण होते. मात्र, पावसाची नोंद कुठे झाली नाही.
विदर्भामध्ये मंगळवारी (21 मार्च) अवकाळी पावसाची शक्यता हवामान खात्याकडून वर्तवण्यात (Weather Update) आली आहे. तर उर्वरित राज्यामध्ये हवामान कोरडे राहील, असा इशारा हवामान विभागाने दिला आहे. राज्यामध्ये बहुतांश ठिकाणी कमाल तापमान 31 ते 35 दरम्यान नोंदवण्यात आले आहे. तर किमान तापमानाचा पारा 12 अंश सेल्सिअसच्या पुढे नोंदविण्यात आला आहे.
शेतीतील पिकांना अवकाळी पावसाचा फटका (Unseasonal rains hit agricultural crops)
राज्यामध्ये मार्च महिन्याच्या सुरुवातीला अवकाळी पावसाने हजेरी (Weather Update) लावली. या अवकाळी पावसामुळे राज्यातील शेतकरी पुन्हा एकदा संकटात सापडला आहे. शेतकऱ्यांच्या हाता-तोंडाशी आलेल्या रब्बी पिकांची नासाडी झाली आहे. राज्यामध्ये अनेक ठिकाणी अवकाळी पावसासह गारपिटीने हजेरी लावली होती. त्यामुळे राज्यातील शेतकरी पुन्हा एकदा संकटात सापडला आहे .
महत्वाच्या बातम्या
- Rahul Gandhi | “भाजप सरकार भ्रष्ट सरकार, त्यांच्यावर टीका म्हणजे देशाचा अपमान नाही”- राहुल गांधी
- Devendra Fadnavis | कर्मचाऱ्यांनी संप मागे घेतल्यावर फडणवीसांची प्रतिक्रिया, म्हणाले “सगळे कर्मचारी आमचेच आहेत”
- Bhaskar Jadhav | “त्यांना आमच्या कोकणातल्या जोकरची उपमा देण्याची गरज”; भास्कर जाधवांची रामदास कदमांवर टीका
- Old pension | अखेर कर्मचाऱ्यांचा संप मागे! जुनी पेन्शन योजना पूर्वलक्षी प्रभावाने लागू करण्यासाठी सरकार सकारात्मक
- Budget Session | आशिष शेलार- धनंजय मुंडे यांच्यात तुफान खडाजंगी; मंत्र्यांच्या अनुपस्थितीवरुन विधानसभेत पुन्हा राडा
