पुणे | प्रतिनिधी – मुळशी तालुक्यातील वैष्णवी हगवणे आत्महत्या प्रकरणात सासरे राजेंद्र हगवणे आणि दीर सुशील हगवणे यांना अखेर आज अटक करण्यात आली आहे. गेल्या सात दिवसांपासून फरार असलेले दोघे पिंपरी पोलिसांनी ताब्यात घेतले आहेत. त्यांना सध्या बावधन पोलीस ठाण्यात नेण्यात आलं आहे.
या प्रकरणात आधीच पती शशांक, सासू लता आणि नणंद यांना अटक झाली होती. शशांक हा राष्ट्रवादी काँग्रेस (अजित पवार गट) याचा पदाधिकारी होता, मात्र काल त्याची पक्षातून हकालपट्टी करण्यात आली.
Rupali Chakankar Reacts After Rajendra Hagwane’s Arrest in Vaishnavi Suicide Case
राजकीय संबंधांमुळे आरोपी वाचतील की काय अशी चिंता समाजात व्यक्त केली जात होती. पण या अटकेनंतर राज्य महिला आयोगाच्या अध्यक्ष रुपाली चाकणकर यांनी एक ट्वीट करत स्पष्ट भूमिका मांडली आहे.
त्यांनी ट्विटमध्ये म्हटलं आहे, “वैष्णवी हगवणे प्रकरणातील दोन्ही फरार आरोपींना पोलिसांनी ताब्यात घेतलं आहे. राज्य महिला आयोगाने पहिल्याच दिवशी सुमोटो घेतलं होतं. कायदा आणि प्रशासन उत्तम काम करत आहे. गुन्हा नोंद आहे आणि आरोपींवर कठोर कारवाई व्हावी यासाठी आयोग पाठपुरावा करत आहे.”
राज्य सरकारकडून या प्रकरणात कडक कारवाईचं आश्वासन देण्यात आलं आहे. मुख्यमंत्री देवेंद्र फडणवीस, उपमुख्यमंत्री अजित पवार यांनीही कोणालाही पाठीशी घातले जाणार नाही, असं स्पष्ट केलं आहे.
📌 महत्वाच्या बातम्या
- वैष्णवी प्रकरणात मकोका लागणार का?; फडणवीसांनी दिलं स्पष्ट उत्तर
- सून आत्महत्या करते आणि हे नराधम मटण खातात! वैष्णवी प्रकरणातील धक्कादायक व्हिडिओ व्हायरल
- न्यूयॉर्कमधील NMACC इव्हेंटमध्ये निता अंबानींचा खास भारतीय डिझाईनसह हर्मेस बिर्किन बॅग लुक चर्चेत
