🕒 1 min read
‘सैराट’ मधल्या आर्चीने अख्या महाराष्ट्राला वेड लावलं, पण हिच्या आयुष्यातला ‘परश्या’ नक्की कोण? हा प्रश्न आजही तिच्या चाहत्यांना सतावतोय. अनेकदा रिंकूचं नाव वेगवेगळ्या मुलांशी जोडलं जातं, पण आता खुद्द रिंकूनेच (Rinku Rajguru) यावर असं काही उत्तर दिलंय की पोरांची झोप उडाली आहे. लग्नाच्या विषयावर रिंकूने थेट सिक्सरच मारलाय!
रिंकू सध्या तिच्या आगामी ‘पुन्हा एकदा साडे माडे तीन’ (Punha Ekda Sade Maade Teen) या चित्रपटाच्या प्रमोशनमध्ये व्यस्त आहे. याच दरम्यान ‘भाडीपा’च्या (BhaDiPa) एका कार्यक्रमात गप्पा मारताना रिंकूचा तोच जुना ‘डॅशिंग’ अंदाज पाहायला मिळाला. रिलेशनशिप स्टेटसबद्दल बोलताना तिने थेट सांगितलं, “मी बॉयफ्रेंड बनवणारी पोरगी नाही, मला डायरेक्ट नवरा पाहिजे.” तिचा हा बिंधास्त व्हिडिओ सोशल मीडियावर (Social Media) चांगलाच व्हायरल होत आहे.
Rinku Rajguru Marriage
कार्यक्रमात रिंकूने तिच्या डोळ्यांबद्दलही मजेशीर टिपणी केली. ती म्हणाली, “माझे डोळे खूप खतरनाक आहेत, डोळ्यात बघू नकोस, प्रेमात पडशील. भल्या भल्यांची वाट लागलीय.” अर्थात, हा कार्यक्रम गमतीशीर किस्से सांगण्याचा होता, त्यामुळे यातली गंमत किती आणि सत्य किती हे रिंकूलाच ठाऊक! पण तिने सेटवर सर्वांसाठी स्वयंपाक केल्याचा आणि ती किती ‘गुणी’ आहे, हे सांगायला ती विसरली नाही.
याआधी रिंकूचं नाव तिचा सहकलाकार आकाश ठोसर (Akash Thosar) आणि कोल्हापूरचे कृष्णाराज महाडिक यांच्याशी जोडलं गेलं होतं. पण, “आम्ही फक्त चांगले मित्र आहोत,” असं सांगत तिने या अफवांना (Rumors) पूर्णविराम दिला होता. आता मात्र तिला ‘डायरेक्ट नवरा’ हवा असल्याचं सांगितल्याने, रिंकू लवकरच लग्नाचा विचार करतेय की काय? अशा चर्चांना उधाण आलं आहे.
📌 महत्वाच्या बातम्या
- सोन्या चांदीचा बुडबुडा फुटला; चांदीच्या दरात मोठी घसरण; एका दिवसात ११,००० रुपयांची मोठी घसरण!
- BCCI चा ‘गुलिगत’ धोका; रोहित-विराटचं डिमोशन, शुभमन गिल मालामाल, तर ‘हे’ 5 दिग्गज बाहेर!
- शिफारशीसाठी मंत्र्याचा फोन? प्रसिद्ध गायकाने थेट नंबर केला ब्लॉक; म्हणाला ‘अशा लोकांबद्दल मला माझ्या मनात….’
बातम्यांसाठी YouTube चॅनेल Subscribe करा
Subscribe Now
