🕒 1 min read
Raj Thackeray । विधानसभा निवडणुकीच्या पार्श्वभूमीवर मनसे अध्यक्ष राज ठाकरे हे ॲक्शन मोडवर आल्याचे पाहायला मिळत आहे. राज ठाकरे सध्या सोलापूर दौऱ्यावर आहेत. येत्या विधानसभा निवडणुकीसाठी मनसे 225 ते 250 जागा लढवणार असल्याची घोषणा राज ठाकरे यांनी केली होती. त्यानंतर आता राज ठाकरे यांनी दोन उमेदवारांच्या नावांची देखील घोषणा केली आहे. मनसेने विधानसभा निवडणुकीसाठी दोन उमेदवारांच्या नावावर शिक्कामोर्तब केला आहे.
महाराष्ट्र नवनिर्माण सेनेकडून मुंबईतील शिवडी विधानसभा मतदार संघात बाळा नांदगावकर यांना उमेदवारी दिली जाणार आहे. तर पंढरपुरातील दिलीप धोत्रे यांना विधानसभेसाठी उमेदवारी दिली जाणार आहे. मनसे अध्यक्ष राज ठाकरे यांनी याबद्दल घोषणा केली आहे. पंढरपूर विधानसभा मतदारसंघातून मनसेने दिलीप धोत्रे यांना उमेदवारी दिल्यामुळे आता दिलीप धोत्रे हे भाजप आमदार समाधान अवताडे यांच्याविरुद्ध मैदानात उतरणार आहेत. त्यामुळे पंढरपुरात भाजप विरुद्ध मनसे अशी लढत पाहायला मिळणार आहे.
Raj Thackeray announced two candidates for assembly elections
मनसेने मुंबईमधील शिवडी विधानसभा मतदारसंघातुन बाळा नांदगावकर यांना उमेदवारी जाहीर केले आहे. त्यामुळे शिवडी विधानसभा मतदारसंघात बाळा नांदगावकर विरुद्ध शिवसेना ठाकरे गटाचे अजय चौधरी अशी लढत आपल्याला पाहायला मिळणार आहे.
महत्वाच्या बातम्या
- महाराष्ट्राला आरक्षणाची गरजच नाही – राज ठाकरे
- भाजपाची हुकूमशाहीवृत्ती पुन्हा स्पष्ट, भाजपाला संविधानापेक्षा, पक्ष, संघ व मनुस्मृतीच श्रेष्ठ
- सरकारी यंत्रणांचा पुन्हा गैरवापर; देवेंद्र फडणवीसांचा बुरखा फाडल्यानंतर वाझे कसा प्रकटला
