🕒 1 min read
शेअर मार्केटमध्ये (Share Market) स्वस्तात मस्त शेअर शोधणाऱ्यांची गर्दी काही कमी नसते. पण कधी कधी १० रुपयांचा शेअरही असा काही चमत्कार करतो की मोठमोठे गुंतवणूकदार अवाक होतात. असाच काहीसा प्रकार पुन्हा एकदा घडलाय एका ज्वेलरी कंपनीच्या बाबतीत. ‘ती’ एक बातमी आली आणि हा १० रुपयांचा शेअर सुसाट सुटला!
आम्ही बोलतोय PC Jeweller या कंपनीबद्दल. बुधवारी मार्केट उघडताच या ज्वेलरी कंपनीच्या शेअर्समध्ये मोठी खळबळ उडाली. बीएसईवर (BSE) हा शेअर ६ टक्क्यांहून अधिक उसळला आणि १०.२८ रुपयांवर जाऊन पोहोचला. मंगळवारी हा शेअर १० रुपयांवर बंद झाला होता. पण कर्जफेडीची बातमी येताच गुंतवणूकदारांनी खरेदीसाठी एकच झुंबड उडाली.
PC Jeweller Share
या तेजीमागे एक मोठं ठोस कारण आहे. पीसी ज्वेलर्स आता वेगाने ‘कर्जमुक्त’ (Debt Free) होण्याच्या मार्गावर आहे. कंपनीने आतापर्यंत आपलं तब्बल ६८ ते ७० टक्के कर्ज फेडलं आहे. डोक्यावरचं कर्जाचं ओझं हलकं झाल्यामुळे कंपनी आता मोकळा श्वास घेतेय आणि त्याचा थेट परिणाम शेअरच्या किमतीवर दिसतोय. विशेष म्हणजे, गेल्या ५ वर्षांत या शेअरने गुंतवणूकदारांना २५० टक्क्यांहून अधिक रिटर्न (Multibagger Returns) दिले आहेत.
कंपनीची आर्थिक स्थिती (Financials) पाहिली तर ती सुद्धा तगडी दिसतेय. चालू आर्थिक वर्षाच्या डिसेंबर तिमाहीत कंपनीचा नफा वार्षिक आधारावर २८ टक्क्यांनी वाढून १९०.१० कोटी रुपयांवर पोहोचला आहे. गेल्या वर्षी याच काळात हा नफा १४७.९६ कोटी होता. कंपनीचं उत्पन्नही वाढून ९००.५१ कोटी झालंय. थोडक्यात काय, तर १० रुपयांचा हा शेअर सध्या ‘फूल फॉर्म’मध्ये आहे.
(डिस्क्लेमर: ही माहिती केवळ अभ्यासासाठी आहे. मार्केटमध्ये गुंतवणूक करण्यापूर्वी तज्ज्ञांचा सल्ला नक्की घ्या.)
📌 महत्वाच्या बातम्या
- Maharashtra Kesari : पुण्यात पुन्हा शड्डू घुमणार; ६८ व्या केसरीचा थरार ‘या’ तारखेला!
- कपिल देव, गावस्करांचे पाक सरकारला पत्र; तुरुंगातील इम्रानसाठी १४ दिग्गजांचं पत्र धडकलं!
- Gold Silver Rate : रातोरात सोन्या-चांदीचा ‘गेम’ झाला; भाव कोसळले पण सकाळी वेगळंच चित्र!
बातम्यांसाठी YouTube चॅनेल Subscribe करा
Subscribe Now
