🕒 1 min read
महाराष्ट्राचा स्वाभिमान आणि लाल मातीतला रांगडा खेळ म्हणजे कुस्ती! दरवर्षीप्रमाणे यंदाही हा थरार कुठे रंगणार, याची उत्सुकता शिगेला पोहोचली होती. अखेर कुस्तीप्रेमींची ही प्रतीक्षा संपली असून, कुस्तीगीर परिषदेने मोठी घोषणा केली आहे. यंदाचा ६८ वा महाराष्ट्र केसरीचा (Maharashtra Kesari 2026) आखाडा पुण्याच्या मातीत गाजणार आहे!
पुणे जिल्ह्यातील वाघोली येथे ६८ वी महाराष्ट्र केसरी कुस्ती स्पर्धा पार पडणार आहे. १८ ते २२ मार्च २०२६ या कालावधीत हा कुस्तीचा महाकुंभ भरले. पुण्यात झालेल्या महाराष्ट्र राज्य कुस्तीगीर परिषदेच्या बैठकीत यावर शिक्कामोर्तब करण्यात आलं. परिषदेचे अध्यक्ष रामदास तडस आणि इतर पदाधिकाऱ्यांच्या उपस्थितीत हा महत्त्वपूर्ण निर्णय घेण्यात आला. त्यामुळे यंदा पुणेकरांना घरच्या मैदानावर कुस्तीचा थरार अनुभवायला मिळणार आहे.
Maharashtra Kesari 2026
या स्पर्धेची व्याप्ती प्रचंड असणार आहे. स्पर्धेत महाराष्ट्रातील ४२ शहरांतून तब्बल ८४० कुस्तीगीर आपले नशीब आजमावण्यासाठी आखाड्यात उतरतील. माती आणि गादी (मॅट) अशा दोन्ही विभागांत वरिष्ठ गटातील लढती होतील. विजेत्या पैलवानाला कुस्तीमहर्षी मामासाहेब मोहोळ यांच्या स्मरणार्थ १ किलो चांदीची मानाची गदा देऊन गौरवण्यात येईल.
कुस्ती ही केवळ स्पर्धा नसून महाराष्ट्राची संस्कृती आहे. १९६१ मध्ये छत्रपती संभाजीनगरमधून सुरू झालेली ही परंपरा आजही तितक्याच ताकदीने सुरू आहे. ग्रामीण भागातील मल्लांना हक्काचं व्यासपीठ मिळवून देणारी ही स्पर्धा यंदा वाघोलीत काय नवा इतिहास घडवणार, हे पाहणं औत्सुक्याचं ठरेल.
📌 महत्वाच्या बातम्या
- कपिल देव, गावस्करांचे पाक सरकारला पत्र; तुरुंगातील इम्रानसाठी १४ दिग्गजांचं पत्र धडकलं!
- Gold Silver Rate : रातोरात सोन्या-चांदीचा ‘गेम’ झाला; भाव कोसळले पण सकाळी वेगळंच चित्र!
- ‘मुंबईत राहतो तर मराठी…’; हिटमॅन रोहित शर्माच्या ‘त्या’ एका वाक्याने जिंकलं महाराष्ट्राचं मन!
बातम्यांसाठी YouTube चॅनेल Subscribe करा
Subscribe Now
