🕒 1 min read
“आता वर्ल्डकप कुणाचा?” असा प्रश्न जर तुम्हाला पडला असेल, तर टीम इंडियाने कालच्या कामगिरीने त्याचं रोखठोक उत्तर दिलंय! तिरुअनंतपुरात धावांचा पाऊस आणि विक्रमांची आतषबाजी पाहायला मिळाली. न्यूझीलंडविरुद्धच्या पाचव्या टी-20 सामन्यात भारताने पाहुण्यांचा अक्षरशः धुव्वा उडवला आहे.
पाच सामन्यांच्या या मालिकेत भारताने 4-1 अशा फरकाने निर्विवाद वर्चस्व गाजवलं आहे. अखेरच्या सामन्यात भारताने 46 धावांनी दणदणीत विजय मिळवत टी-20 वर्ल्डकपसाठी आपण सज्ज असल्याचा धोक्याचा इशाराच प्रतिस्पर्ध्यांना दिला आहे.
IND vs NZ 5th T20
सामन्याचा खऱ्या अर्थाने हिरो ठरला तो युवा ईशान किशन! संजू सॅमसन पुन्हा एकदा अवघ्या 6 धावांवर बाद झाल्याने निराशा झाली, पण त्यानंतर ईशानने जी फटकेबाजी केली, ती पाहण्यासारखी होती. अवघ्या 43 चेंडूत 103 धावा कुटत ईशानने कारकिर्दीतील पहिलं आंतरराष्ट्रीय टी-20 शतक साजरं केलं. त्याने आपल्या इनिंगमध्ये तब्बल 10 षटकार लगावले.
ईशानला साथ मिळाली ती कर्णधार सूर्यकुमार यादव आणि हार्दिक पांड्याची. सूर्याने नेहमीच्या शैलीत 30 चेंडूत 63 धावा चोपल्या, तर हार्दिकने शेवटच्या काही षटकांत न्यूझीलंडच्या गोलंदाजांची पळता भुई थोडी केली. हार्दिकच्या 17 चेंडूतील 47 धावांमुळे भारताने 271 धावांचा भल्यामोठा डोंगर उभा केला.
इतक्या मोठ्या लक्षाचा पाठलाग करताना न्यूझीलंडने चांगली झुंज दिली. फिन ॲलनने 30 चेंडूत 80 धावांची झंझावाती खेळी केली, ज्यामुळे भारतीय चाहत्यांच्या काळजाचा ठोका चुकला होता. मात्र, वेळेवर गोलंदाजांनी कमबॅक केलं. भारताचा वेगवान गोलंदाज अर्शदीप सिंगने या सामन्यात ‘पंजा’ खोलत न्यूझीलंडचे कंबरडे मोडले.
अखेरीस न्यूझीलंडचा संपूर्ण संघ 225 धावांवर गुंडाळला गेला. भारताने ही मालिका जिंकून वर्ल्डकपसाठी आपला ‘होमवर्क’ पूर्ण केला आहे, असंच म्हणावं लागेल.
📌 महत्वाच्या बातम्या
- ‘हे एक षडयंत्र..बरोबर ना?’ अजित पवारांच्या निधनावर राखी सावंतचा दावा, दुसरीकडे सुनेत्रा पवारांबाबत मोठी अपडेट!
- IND vs PAK : महामुकाबल्याआधी ‘क्रिकेटच्या देवा’ची एन्ट्री; व्हिडीओ कॉलवर सचिन तेंडुलकरांचा टीम इंडियाला ‘हा’ गुरुमंत्र!
- IND vs NZ : संजू सॅमसनचा पत्ता कट? ‘हा’ मॅचविनर करणार कमबॅक; अखेरच्या सामन्यात मोठे बदल!
बातम्यांसाठी YouTube चॅनेल Subscribe करा
Subscribe Now
