शरद पवार गटाला मोठा धक्का! प्रफुल्ल पटेलांच्या नेतृत्वात मोहाडीत ३ नगरसेवकांचा अजित पवार गटात प्रवेश

प्रतिनिधी, 16 ऑक्टोबर: लोकसभा निवडणुकीत मोठे यश मिळवणाऱ्या महाविकास आघाडीला विधानसभा निवडणुकीत मात्र मोठा पराभव स्वीकारावा लागला. याउलट, विधानसभा निवडणुकीत राष्ट्रवादीच्या अजित पवार गटाने लक्षणीय यश मिळवले आणि राज्यात पुन्हा महायुतीचे सरकार स्थापन झाले. या निकालानंतर महाविकास आघाडीतील अनेक बड्या नेत्यांनी महायुतीची वाट धरली असून, पक्षांतराची ही गळती सुरूच आहे. याचा सर्वाधिक फटका शिवसेना ठाकरे गट आणि त्यानंतर राष्ट्रवादी शरद पवार गटाला बसला आहे.

याच पार्श्वभूमीवर आता भंडारा जिल्ह्यातील मोहाडी येथे शरद पवार गटाला आणखी एक धक्का बसला आहे. राष्ट्रवादी अजित पवार गटाचे नेते प्रफुल्ल पटेल यांच्या नेतृत्वाखाली मोहाडीतील तीन नगरसेवक आणि त्यांच्या शेकडो कार्यकर्त्यांनी अजित पवार गटात प्रवेश केला आहे. या मोठ्या पक्षप्रवेशामुळे मोहाडी गटात अजित पवार गटाची ताकद वाढली आहे. यावेळी कार्यकर्त्यांना मार्गदर्शन करताना प्रफुल्ल पटेल यांनी, "आता सर्वांनी एकजुटीनं काम करा," असे आवाहन केले.

राष्ट्रवादीपाठोपाठ शिवसेना ठाकरे गटालाही गळती लागली आहे. ठाकरे गटाचे राष्ट्रीय प्रवक्ते आनंद दुबे यांनी काही दिवसांपूर्वीच पक्षावर अनेक आरोप करत आपल्या सर्व पदांचा राजीनामा दिला होता. आता ते उपमुख्यमंत्री एकनाथ शिंदे यांच्या उपस्थितीत शिवसेना शिंदे गटात प्रवेश करणार असल्याची माहिती समोर आली आहे.

📌 महत्वाच्या बातम्या

• मोदी, चोर ज्ञानेश कुमार यांच्या विरोधात आंदोलन करणाऱ्यांना आमचा पाठिंबा; महायुती सरकार होळीपर्यंत नष्ट होईल: विजय वडेट्टीवार
• CAN vs NEP Dream11 Prediction: कॅनडा विरुद्ध नेपाळ सामन्याची ड्रीम ११ टीम, खेळपट्टी आणि संभाव्य प्लेइंग ११
• सूर्यकुमार यादवने दुबईत खरेदी केली आलिशान प्रॉपर्टी; शाहरूख खानच्या नावाने ठरले सर्वात मोठे आकर्षण