🕒 1 min read
Manoj Jarange Patil । मराठा समाजाचे नेते मनोज जरांगे पाटील यांनी पुन्हा एकदा अंतरवाली सराटीत मराठा समाजाला आरक्षण (Maratha Reservation) मिळावे म्हणून आमरण उपोषणाला सुरुवात केली आहे. त्यांनी सरसकट कुणबी प्रमाणपत्रासह इतर काही मागण्या केल्या आहेत. (Manoj Jarange Patil Strike)
यावेळी त्यांनी बोलताना सरकारला इशारा दिला आहे. “मराठा समाजाचे दुःख वाटून घ्या. संतोष देशमुख यांची क्रूर हत्या झाली असून त्यांच्या मारेकऱ्यांना शिक्षा झाली पाहिजे. मुख्यमंत्री देवेंद्र फडणवीस मराठ्यांशी बेइमानी, गद्दारी करणार नाहीत. जर सरकारने आमच्याशी बेईमानी केली आणि आमच्या मागण्या मान्य केल्या नाही तर या आंदोलनाचे लोण महाराष्ट्रभर पसरेल,” असा इशारा जरांगे पाटील यांनी दिला आहे.
Manoj Jarange Patil on Maratha Reservartion
काय आहेत मराठा समाजाच्या मागण्या?
- मराठा समाज हा कुणबी आणि मराठा एकच असून या समाजाला सरसकट कुणबी प्रमाणपत्र दिले जावे.
- हैदराबाद गॅझेटिअर, सातारा संस्थान गॅझेटिअर, बॉम्बे गव्हर्नमेंटचे गॅझेटियर लागू करून त्यांची तातडीने अंमलबजावणी करण्यात यावी.
- न्यायमूर्ती शिंदे समितीने राज्यभर तातडीने कुणबी नोंदी शोधण्याचे काम सुरू करून या समितीला एक वर्ष मुदतवाढ देण्यात यावी.
- सगे-सोयरे अधिसूचनेची अंमलबजावणी करून आम्ही दिलेल्या व्याख्येप्रमाणे सगे-सोयरे अधिसूचनेची अंमलबजावणी करावी.
- महाराष्ट्रातील मराठा आंदोलकांवर दाखल झालेल्या सर्वांच्या केसेस सरसकट मागे घेऊन गुन्हे रद्द करावे.
- 10 टक्के एसईबीसी आरक्षण लागू करावे.
- कुणबी नोंदी शोधण्यासाठी, कुणबी प्रमाणपत्र देण्यासाठी, कुणबी प्रमाणपत्र व्हॅलिडीटी देण्यासाठी, जिल्हा व तालुकास्तरावर कक्ष स्थापन करण्यात आले होते ते कक्ष पुन्हा सुरु करावे. वंशावळ समिती, मोडी लिपी समिती व सर्व भाषेच्या अभ्यासकांची मोठी टीम तात्काळ नोंदी शोधण्यासाठी तयार करावी.
- महाराष्ट्रातील मराठा समाज हा शेती करणारा वर्ग म्हणजेच कुणबी असून ओबीसी क्रमांक 83 वर कुणबी आहे आणि 2004 सालचा अध्यादेश आहे. मराठ्यांची पोटजात-उपजात कुणबी आहे. मराठा आणि कुणबी एकच आहे. त्यामुळे सुधारित जीआर काढून मराठा समाजाला कुणबी प्रमाणपत्र दिले जावे.
महत्त्वाच्या बातम्या :
- “भाजप Walmik Karad ला संत पदाचा दर्जा देऊन…”; Sanjay Raut यांची जोरदार टीका
- आरक्षणासाठी Manoj Jarange यांचे पुन्हा आमरण उपोषण, यावेळी मागण्या काय?
- KKR च्या ‘या’ सलामीच्या जोड्या आहेत धोकादायक, यंदाही मिळवून देऊ शकतात ट्रॉफी?
बातम्यांसाठी YouTube चॅनेल Subscribe करा
Subscribe Now
