Maharashtra Politics । ठाकरे आणि पवार कुटुंबात फूट पडून हे दोन्ही कुटुंबे एकमेकांविरोधात आरोप करताना दिसत आहेत. यामुळे अनेकदा राज्याचे राजकीय वातावरण तापत असल्याचेही आपल्याला पाहायला मिळत आहेत. अनेक राजकीय मंडळींनी या कुटुंबांनी एकत्र यावे, अशी इच्छा बोलून दाखवली आहे. अशातच आता अजित पवार गटाच्या बड्या नेत्याने देखील ठाकरे-पवार कुटुंबाने एकत्र यावं, असे वक्तव्य केले आहे.
अजित पवार गटाचे ज्येष्ठ नेते छगन भुजबळ म्हणाले की, “ठाकरे आणि पवार कुटुंबाने एकत्र यावं. माझ्या त्यांना शुभेच्छा आहेत. जर ही दोन्ही कुटुंबे एकत्र आली तर आम्हाला खूप आनंद होईल.” त्यांचे हे विधान सध्या चांगलेच चर्चेत येत आहे. यावर आता ठाकरे आणि पवार कुटुंब काय प्रत्युत्तर देतात हे पाहणे महत्त्वाचे ठरेल.
दरम्यान, नवीन वर्षाच्या पहिल्याच दिवशी उपमुख्यमंत्री अजित पवार यांच्या मातोश्री आशाताई पवार (Ashatai Pawar) यांनी विठुरायाचे दर्शन घेतलं. यावेळी त्यांनी राष्ट्रवादी काँग्रेस पक्षाचे सर्वेसर्वा शरद पवार आणि अजित पवार एकत्र येऊ दे, असं साकडं विठुरायाकडे घातल्याचं आशाताई पवार यांनी माध्यमांशी बोलताना सांगितले. अशातच आता छगन भुजबळ यांनीही ठाकरे आणि पवार कुटुंबाने एकत्र यावं, असे वक्तव्य केल्याने याची राजकीय वर्तुळात चर्चा होऊ लागली आहे.
Chhagan Bhujbal Statement
दरम्यान, छगन भुजबळ यांना मंत्रिमंडळात स्थान न मिळाल्याने ते नाराज आहेत. अनेकदा त्यांनी आपली नाराजी जाहीरपणे बोलून दाखवली आहे. आपली नाराजी दूर करण्यासाठी कोणाचाही फोन आला नसल्याचे स्पष्टीकरण त्यांनी माध्यमांशी बोलताना दिले आहे.
महत्त्वाच्या बातम्या :
- Santosh Deshmukh हत्याप्रकरणी पोलिसांनी केला धक्कादायक खुलासा, आरोपींच्या फोनमध्येच…
- Sudarshan Ghule । संतोष देशमुख हत्येप्रकरणी मोठी अपडेट, कोर्टाने घेतला मोठा निर्णय
- Manoj Jarange Patil यांच्या डोक्यात फरक पडलाय त्यांच्याकडे…” भाजपच्या मंत्र्याचं वादग्रस्त वक्तव्य
