कृणाल पंड्याच्या शानदार खेळीने आरसीबीचा दिल्लीवर दणदणीत विजय, गुणतालिकेत अव्वल स्थान

Krunal Pandya | IPL 2025 च्या 46 व्या सामन्यात रॉयल चॅलेंजर्स बंगळुरुने दिल्ली कॅपिटल्सचा त्यांच्या घरीच 6 विकेट्सने पराभव केला. अरुण जेटली स्टेडियमवर खेळल्या गेलेल्या या सामन्यात दिल्लीने आरसीबीसमोर 163 धावांचं आव्हान ठेवलं होतं, जे आरसीबीने 18.3 षटकांत 4 विकेट्स गमावून पार केलं.

आरसीबीच्या विजयात ऑलराउंडर कृणाल पंड्या आणि विराट कोहली यांचा मोलाचा वाटा होता. कृणालने नाबाद 73 धावा करत सामन्याचा नायक ठरला, तर विराटने 51 धावा करून अर्धशतकांची हॅटट्रिक पूर्ण केली.

Krunal Pandya Match-Winning Knock | IPL 2025

दिल्लीच्या गोलंदाजांमध्ये कर्णधार अक्षर पटेलने 2 विकेट्स घेतल्या, तर दुष्मंथा चमीरा याला 1 यश मिळालं. त्याआधी दिल्लीने प्रथम फलंदाजी करत 20 षटकांत 8 गड्यांच्या मोबदल्यात 162 धावा केल्या. केएल राहुलने सर्वाधिक 41 धावा केल्या, तर ट्रिस्टन स्टब्सने 34 आणि अभिषेक पोरेलने 28 धावांचं योगदान दिलं.

गोलंदाजीत आरसीबीकडून भुवनेश्वर कुमारने सर्वाधिक 3 विकेट्स घेतल्या, तर जोश हेझलवूडने 2 आणि यश दयाल व कृणाल पंड्याने प्रत्येकी 1 विकेट मिळवली. या विजयानंतर आरसीबीने 14 गुणांसह पॉइंट्स टेबलमध्ये पहिले स्थान पटकावलं आहे. त्यामुळे प्लेऑफचं तिकीट मिळवण्यासाठी त्यांना केवळ आणखी एका विजयाची गरज आहे.

महत्वाच्या बातम्या

• विराट कोहली आणि केएल राहुल सामन्यात भिडले; व्हिडीओ झाला व्हायरल
• ‘तो’ किस सीन कट कर म्हणाल्यावर निर्माता म्हणाला, ‘माधुरी, तुला त्यासाठी एक कोटी दिलेत!’
• “राखी सावंतचा काश्मीरसाठी आवाहन: घाबरू नका, आपण सर्वजण काश्मीरला जाऊ”