🕒 1 min read
सोशल मीडियावर कधी कोणती अफवा वाऱ्यासारखी पसरेल हे सांगता येत नाही, याचाच प्रत्यय आता पुन्हा एकदा आलाय. प्रसिद्ध कॉमेडियन कपिल शर्माच्या (Kapil Sharma) अमृतसरमधील घरावर थेट गोळीबार झाल्याचा एक व्हिडीओ अचानक व्हायरल झाला आणि देशभरात एकच खळबळ उडाली.
हॉली सिटी या पॉश भागातील कपिलच्या बंगल्याबाहेर दोन अज्ञात व्यक्तींनी दोन राऊंड फायरिंग केल्याचा दावा या व्हिडीओमध्ये करण्यात आला होता. हल्लेखोर गोळीबार करून पसार झाले आणि कुटुंबाने पोलिसांत धाव घेतली, अशा बातम्या पसरल्याने चाहत्यांमध्ये प्रचंड भीतीचे वातावरण निर्माण झाले होते. मात्र, आता या प्रकरणात मोठा ट्विस्ट आला आहे.
Kapil Sharma News
अमृतसर पोलिसांनी या घटनेची गंभीर दखल घेत वस्तुस्थिती समोर आणली आहे. “कपिल शर्माच्या घरावर कोणताही गोळीबार झालेला नाही, या निव्वळ अफवा आहेत,” असे स्पष्टीकरण अमृतसर पोलीस आयुक्तालयाने दिले आहे. नागरिकांनी अशा खोट्या बातम्यांवर विश्वास ठेवू नये, असे आवाहनही पोलिसांनी केले आहे.
दरम्यान, या अफवांना जोर मिळण्यामागे कॅनडातील एक घटना कारणीभूत ठरली आहे. काही दिवसांपूर्वीच कॅनडाच्या सरे शहरात कपिल शर्माच्या ‘कॅप्स कॅफे’जवळ (Kaps Cafe) चौथ्यांदा गोळीबार झाला होता. तिथे शेजारील ‘चाय सुट्टा बार’ला लक्ष्य करण्यात आले होते.
या घटनेनंतर ‘टायसन बिश्नोई जोरा सिद्ध’ नावाच्या एका कथित व्यक्तीने सोशल मीडियावर धक्कादायक पोस्ट केली होती. “हा हल्ला केवळ एक मेसेज आहे, कपिल शर्माने वेळीच ऐकले नाही तर पुढचे टार्गेट त्याचे मुंबईतील घर असेल,” अशी थेट धमकी या पोस्टमधून देण्यात आली होती.
या जुन्या घटनेमुळेच आता अमृतसरच्या गोळीबाराची खोटी बातमी पसरल्याचे बोलले जात आहे. सूत्रांनुसार, कॅनडातील घटनेचा तपास अद्याप सुरू असून कपिलने यावर अधिकृत भाष्य करणे टाळले आहे.
📌 महत्वाच्या बातम्या
- पेट्रोल-डिझेल पुन्हा वाढलं, शेतकऱ्यांच्या मध्यरात्री रांगा; वाढत्या दरावर प्रवीण तरडेंची प्रतिक्रिया, म्हणाले..
- सई ताम्हणकर भडकली! प्राजक्ता माळीच्या ‘त्या’ कान्स लूकवर थेटच बोलली; म्हणाली ‘काय परिधान करावं आणि……..’
- “आईनेच लिव्ह-इनमध्ये राहायला सांगितलं…..”; तेजस्वीचा मोठा खुलासा, बॉयफ्रेंडसोबत थाटणार संसार?
बातम्यांसाठी YouTube चॅनेल Subscribe करा
Subscribe Now
