🕒 1 min read
छत्रपती संभाजीनगर- राजकारणात मतभेद असतात, पण संभाजीनगरमध्ये आज जे घडलं त्याने राजकीय संस्कृतीलाच काळीमा फासली आहे. शहरात शांतता असावी असं आपण म्हणतो, पण भररस्त्यात एका बड्या नेत्याच्या गाडीवर जमावाने हल्ला चढवला तर? असाच धक्कादायक प्रकार छत्रपती संभाजीनगरच्या जिन्सी भागात घडलाय आणि त्याचा व्हिडीओ पाहून तुमच्याही अंगावर काटा येईल. एमआयएमचे नेते आणि माजी खासदार इम्तियाज जलील (Imtiaz Jaleel) यांच्या गाडीवर हा हल्ला झाला आहे.
Mob attacks MIM leader Imtiaz Jaleel’s car
नेमकं काय घडलं?
संभाजीनगरच्या गजबजलेल्या जिन्सी मार्केट भागात आज दुपारच्या सुमारास अचानक गोंधळ उडाला. काळ्या रंगाची एक एसयूव्ही (SUV) गर्दीतून वाट काढत असताना अचानक काही तरुणांच्या टोळक्याने गाडीला घेराव घातला. व्हिडीओमध्ये स्पष्ट दिसतंय की, जमाव प्रचंड आक्रमक झाला होता. काहींनी गाडीच्या काचांवर जोरजोरात बुक्के मारले, तर काहींनी गाडीचे दरवाजे उघडण्याचा प्रयत्न केला. जमावातील काही लोक शिवीगाळ करत गाडीवर अक्षरशः तुटून पडल्याचं चित्र आहे.
परिस्थिती इतकी हाताबाहेर गेली होती की, जमावाला पांगवण्यासाठी आणि स्वतःचा बचाव करण्यासाठी गाडीतील व्यक्तीला खाली उतरावं लागलं. व्हिडीओमध्ये इम्तियाज जलील (Imtiaz Jaleel) यांच्यासारखी दिसणारी व्यक्ती गाडीत बसत असताना जमाव त्यांच्या अंगावर धावून गेल्याचे दिसते. यावेळी त्यांच्या समर्थकांनी आणि सुरक्षारक्षकांनी कसाबसा जमावाला बाजूला केला आणि गाडी पुढे नेली.
हल्ला नेमका का?
हा हल्ला राजकीय वैमनस्यातून झाला की यामागे दुसरं काही कारण आहे, हे अद्याप स्पष्ट झालेलं नाही. मात्र, भरदिवसा घडलेल्या या प्रकारामुळे जिन्सी परिसरात तणावाचं वातावरण निर्माण झालं आहे. निवडणुकीच्या किंवा राजकीय कार्यक्रमाच्या पार्श्वभूमीवर विरोधकांनी हा राडा केल्याचा संशय व्यक्त केला जात आहे. आता पोलीस या व्हायरल व्हिडीओवरून हल्लेखोरांचा शोध घेणार का, हे पाहणं महत्त्वाचं ठरेल.
📌 महत्वाच्या बातम्या
- बावनकुळेंनी हद्दच केली! महापुरुषांच्या समोर ‘अश्लील’ डान्स, वरून म्हणाले – “हा तर महिलांचा आनंद!”
- Heart Health: जिम नको, कडक डाएट नको; दिवसाला फक्त ‘इतकी’ पावलं चाला, हार्ट अटॅकचा धोका होईल छुमंतर!
- ऑनलाईन फ्रॉड झालाय? रडू नका, तात्काळ हे काम करा; गेलेले पैसे परत मिळण्याची मोठी संधी!
बातम्यांसाठी YouTube चॅनेल Subscribe करा
Subscribe Now
