सीजेपी आंदोलनाचा फटका, पोलिसांची ‘देश सोडा’ नोटीस; आमिर खानचा भाचा इमरान खान पुन्हा चर्चेत

प्रतिनिधी, 15 ऑक्टोबर: बॉलिवूड अभिनेता आणि आमिर खानचा भाचा इमरान खान पुन्हा एकदा चर्चेत आला आहे. 'सीजेपी'च्या एका आंदोलनात सहभागी होणे इमरानला चांगलेच महागात पडले आहे. त्याच्याकडे अमेरिकेचे नागरिकत्व असल्यामुळे मुंबई पोलिसांनी त्याला थेट देश सोडण्याची नोटीस बजावली आहे. या घडामोडीनंतर इमरान खान कोण आहे आणि त्याच्या आयुष्यात नेमकं काय घडलं, याची नव्याने चर्चा सुरू झाली आहे.

अमेरिकेचे नागरिकत्व असलेला इमरान सध्या अमेरिकेतच वास्तव्याला आहे. वैयक्तिक आयुष्यातील वादळांमुळे तो एकेकाळी नैराश्याच्या गर्तेत अडकला होता. याचा फटका त्याच्या करिअरलाही बसला. तो चित्रपटांपासून दुरावल्यामुळे त्याचे मोठे आर्थिक नुकसान झाले. पत्नी अवंतिका मलिकला घटस्फोट दिल्यानंतर तो आता 'सिंगल पॅरंट' म्हणून एकटाच मुलीचा सांभाळ करत आहे. त्याने मुलीसाठी कोणतीही आया ठेवली नसून, तो स्वतः तिचा डबा बनवण्यापासून ते तिला शाळेत नेण्या-आणण्याची सर्व कामे करतो.

अलीकडेच एका मुलाखतीत त्याने आपल्या मानसिक आरोग्याबाबत आणि घटस्फोटाबाबत मनमोकळेपणाने भाष्य केले. इतर लोकांनी या फेजमधून जाऊ नये म्हणून आपण हा अनुभव शेअर करत असल्याचे त्याने सांगितले. सध्या तो नैराश्यातून पूर्णपणे बाहेर आला असून मानसिकदृष्ट्या तंदुरुस्त आहे. "२०१६ मध्ये पहिल्यांदा मला जाणवले की माझ्यासोबत काहीतरी गडबड सुरू आहे. तेव्हा माझा घटस्फोट झाला नव्हता, पण मी आतून खच्चून गेलो होतो. माझ्या खऱ्या स्वभावाच्या विपरीत मी दुसरीच इमेज घेऊन जगत होतो आणि मला ती बदलायची होती," असे तो म्हणाला.

२०१६ पासून त्याने स्वतःच्या मानसिक आरोग्यावर काम करणे हे आयुष्याचे ध्येय बनवले. अत्यंत कमी वयात नाते सुरू झाल्यामुळे दोघांनाही नात्यातील चांगल्या-वाईटाचा पुरेसा अनुभव नव्हता, असे तो सांगतो. "आम्ही एका भयंकर चक्रात अडकलो होतो, जे भेदणे शक्य नव्हते. आमचे जीवन 'अनहेल्दी' झाले होते. त्यामुळे निरोगी आयुष्य जगण्यासाठी या नात्यातून बाहेर पडणे गरजेचे असल्याचे मला जाणवले," अशी कबुली त्याने दिली.

घटस्फोटानंतर त्याची मानसिक स्थिती बिघडल्याची चर्चा आणि गॉसिप सुरू झाले होते. मात्र, आपण पत्नीपासून वेगळे होण्याचा निर्णय मानसिक आरोग्याच्या कारणाने नव्हे, तर 'सेल्फ हिलिंग'साठी (स्वतःला सावरण्यासाठी) घेतल्याचे इमरानने स्पष्ट केले. वैवाहिक आयुष्यातील शेवटचे काही दिवस अत्यंत वाईट होते आणि ते संपवण्याचा निर्णय त्याने घेतला. याबद्दल तो कोणालाही दोष देत नाही. दोघांमध्ये ताळमेळ नव्हता आणि एकमेकांना 'बेस्ट' बनवण्यात ते अपयशी ठरत होते. त्यामुळे हा निर्णय वेदनादायक असला तरी, अनहेल्दी वातावरणात राहण्यापेक्षा वेगळे होण्याचा पर्याय उत्तम होता, असे तो मानतो.

📌 महत्वाच्या बातम्या

• बिग बॅश लीग २०२६-२७: ट्रेंट बोल्टची सिडनी थंडर संघात एन्ट्री, डेव्हिड वॉर्नरला मिळणार साथ
• IND vs WI ५ व्या टी-२० पूर्वी अर्शदीप सिंगच्या दुखापतीवर संजू सॅमसनची मोठी अपडेट
• वेस्ट इंडिजविरुद्ध भारताला जसप्रीत बुमराहची उणीव का भासत नाही? संजू सॅमसनने स्पष्ट केलं कारण