तुम्ही लग्नसराईसाठी सोनं खरेदी करायचा प्लॅन करत होतात आणि बजेटकडे डोळे लावून बसला होतात का? जर हो, तर तुमच्यासाठी एक धक्कादायक आणि तितकीच दिलासादायक बातमी आहे. बजेटमध्ये सोन्या-चांदीच्या करात (Tax) कोणताही बदल झाला नसला, तरी मार्केटमध्ये मात्र मोठी उलथापालथ झाली आहे. बजेटनंतर सलग तिसऱ्या दिवशी सोन्याच्या दरात (Gold Price Today) मोठी घसरण झाली असून, एकाच दिवसात सोन्याने चक्क ५,८९० रुपयांची डुबकी मारली आहे.
काल (१ फेब्रुवारी २०२६) २४ कॅरेट सोन्याचा दर १ लाख ४८ हजार २४० रुपये होता. तो आज थेट १ लाख ४२ हजार ३५० रुपये प्रति १० ग्रॅमवर आला आहे. म्हणजेच एका झटक्यात सोनं जवळपास ६ हजारांनी स्वस्त झालंय. दुसरीकडे चांदीच्या दरात तर मोठी पडझड पाहायला मिळाली. आठवडाभरापूर्वी ३ लाखांचा टप्पा ओलांडणारी चांदी आज २ लाख ४२ हजार ५२० रुपये प्रति किलोवर आली आहे. कालच्या तुलनेत चांदी तब्बल २३,९८० रुपयांनी स्वस्त झाली आहे.
Gold Price Today
स्थानिक बजेटमध्ये बदल झाला नसला तरी, जागतिक पातळीवर ‘गेम’ फिरला आहे. अमेरिकेत राष्ट्राध्यक्ष डोनाल्ड ट्रम्प हे फेडरल रिझर्व्हच्या चेअरमनपदी केविन वॉर्श (Kevin Warsh) यांची नियुक्ती करण्याच्या तयारीत आहेत. या बातमीने डॉलर (Dollar) मजबूत झाला आणि त्याचा थेट फटका सोन्या-चांदीला बसला. आंतरराष्ट्रीय बाजारात सोनं-चांदी ४ टक्क्यांनी गडगडलं, ज्याचे पडसाद आता भारतीय सराफा बाजारात उमटले आहेत.
या पडझडीमुळे नवीन खरेदी करणाऱ्या ग्राहकांना मोठा दिलासा मिळाला आहे, मात्र ज्यांनी वरच्या भावात गुंतवणूक केली होती, त्यांचे धाबे दणाणले आहेत. जळगावसारख्या सुवर्णनगरीतही (Suvarnanagari) दरात मोठी तफावत दिसून येत असून, जीएसटी वगळता दरात ७ हजारांची घसरण नोंदवली गेली आहे.
📌 महत्वाच्या बातम्या
- शाहीद कपूरचा बॉलिवूडला ‘घरचा आहेर’; म्हणाला, “येथे आता चांगले सिनेमेच…” वक्तव्याने खळबळ!
- Budget 2026 : मोदी सरकारला ‘बंपर’ लॉटरी! आरबीआय देणार ‘इतके’ लाख कोटी; आकडा पाहून विरोधकही अवाक!
- ‘सुनेत्रा पवारांनी शपथ घेतली म्हणजे…’; कोकण हार्टेड गर्लची ‘ती’ पोस्ट तुफान चर्चेत!
बातम्यांसाठी YouTube चॅनेल Subscribe करा
Subscribe Now
