Belpatra | सकाळी रिकाम्या पोटी बेलपत्र खाल्ल्याने आरोग्याला मिळतात ‘हे’ फायदे

Mayuri Deshmukh21 March 2023

Belpatra | टीम महाराष्ट्र देशा: भारतामध्ये बेलपत्राला खूप महत्त्व दिले जाते. पूजेपासून ते आरोग्यापर्यंत हे खूप महत्त्वाचे मानले जाते. बेलपत्रामध्ये अनेक पोषक तत्व आढळून येतात, जे आरोग्यासाठी फायदेशीर ठरू शकतात. बेलपत्रामध्ये कॅल्शियम, फायबर, विटामिन ए, विटामिन सी, विटामिन बी 6 इत्यादी पोषक घटक आढळून येतात. सकाळी रिकाम्या पोटी बेलपत्राचे सेवन केल्याने आरोग्याला अनेक फायदे मिळू शकतात. यासाठी तुम्हाला बेलपत्र पाण्यामध्ये उकळून घ्यावे लागेल. त्यानंतर ते पाणी गाळून त्याचे सेवन करावे लागेल. नियमित या पाण्याचे सेवन केल्याने आरोग्याला पुढील फायदे मिळू शकतात.

रोगप्रतिकारशक्ती मजबूत होते (Immunity is strengthened-Bel Patra Benefits)

सकाळी रिकाम्या पोटी बेलपत्राचे सेवन केल्याने रोगप्रतिकारशक्ती मजबूत राहू शकते. बेलपत्रामध्ये भरपूर प्रमाणात विटामिन सी आढळून येते, जे रोगप्रतिकारशक्ती मजबूत करण्यास मदत करते. बेलपत्राचे सेवन तुम्ही केल्याने सर्दी, खोकला इत्यादी मोसमी आजारांपासून दूर राहू शकतात.

पोटासाठी फायदेशीर (Beneficial for stomach-Bel Patra Benefits)

बेलपत्रामध्ये भरपूर प्रमाणात फायबर आढळून येते, जे पोट निरोगी ठेवण्यास मदत करते. सकाळी रिकाम्या पोटी बेलपत्राचे सेवन केल्याने गॅस, एसिडिटी, अपचन यासारख्या समस्यांपासून सुटका मिळू शकतो. त्याचबरोबर मुळव्याधाची समस्या असलेल्यांसाठी बेलपत्र खूप फायदेशीर ठरू शकते.

डायबिटीससाठी फायदेशीर (Beneficial for diabetes-Bel Patra Benefits)

तुम्ही जर डायबिटीसचे रुग्ण असाल, तर बेलपत्र तुमच्यासाठी खूप उपयुक्त ठरू शकते. दररोज सकाळी बेलपत्राचे सेवन केल्याने रक्तातील साखरेची पातळी नियंत्रणात राहते. त्यामुळे तुम्ही जर मधुमेहाचे रुग्ण असाल तर तुम्ही तुमच्या आहारात बेलपत्राचा समावेश केला पाहिजे.

सकाळी रिकाम्या पोटी बेलपत्राचे सेवन केल्याने आरोग्याला वरील फायदे मिळू शकतात. त्याचबरोबर उन्हाळ्यामध्ये संत्र्याचे सेवन केल्याने आरोग्याला खालील फायदे मिळू शकतात.

हृदयासाठी फायदेशीर (Beneficial for the heart-Orange Benefits)

उन्हाळ्यामध्ये संत्र्याचे सेवन केल्याने हृदय दीर्घकाळ निरोगी राहू शकते. संत्र्यामध्ये आढळणारे विटामिन सी आणि पोटॅशियम हृदयाला निरोगी ठेवण्यास मदत करते. त्याचबरोबर उन्हाळ्यामध्ये संत्र्याचे सेवन केल्याने कोलेस्ट्रॉलची पातळी नियंत्रणात राहण्यास मदत होते.

शरीर हायड्रेट राहते (The body stays hydrated-Orange Benefits)

उन्हाळ्यामध्ये नियमित संत्र्याचे सेवन केल्याने शरीर हायड्रेट राहू शकते. उन्हाळ्यामध्ये अनेक वेळा बाहेरून आल्यानंतर शरीरात ऊर्जा नसते. अशा परिस्थितीत तुम्ही संत्र्याचे किंवा संत्र्याच्या रसाचे सेवन करू शकतात. याचे सेवन केल्याने शरीरामध्ये एनर्जी टिकून राहते.

टीप: वरील माहिती लागू करण्यापूर्वी संबंधित तज्ञांचा सल्ला घ्यावा.

महत्वाच्या बातम्या