बिग बॉसच्या घरात भांडणं नवीन नाहीत, पण यावेळी विषय थेट ‘तलवारी’ पर्यंत गेला आणि एका तगड्या स्पर्धकाला बाहेरचा रस्ता दाखवला गेला. पण खरंच हे असं घडलंय का? ‘बिग बॉस मराठी’चा (Bigg Boss Marathi 6) सहावा सीझन सध्या एका वेगळ्याच राड्यामुळे गाजतोय. ट्रॉफीची दावेदार मानली जाणारी दिव्या शिंदे (Divya Shinde) अचानक घराबाहेर पडल्याने चाहत्यांना धक्का बसला. बिग बॉसने तिच्यावर हिंसा आणि शस्त्राचा वापर करण्याची धमकी दिल्याचा ठपका ठेवला. पण बाहेर आल्यावर दिव्याने जे सांगितलं, त्याने शोच्या निर्मात्यांवरच प्रश्नचिन्ह उभं राहिलं आहे.
दिव्या शिंदेवर आरोप होता की तिने घरात तलवारीची भाषा केली. यावर पत्रकारांशी बोलताना दिव्याचा पारा चढला. ती म्हणाली, “मी जुन्नरची आहे, आमच्याकडे हातात बांगड्यांऐवजी तलवार दिली जाते. शृंगारच्या आधी स्वाभिमानाने जगणं शिकवलं जातं.” तिने स्पष्ट केलं की तिचं बोलणं हे ‘वैचारिक तलवारी’बद्दल होतं, खऱ्या शस्त्राबद्दल नाही. “शिवनेरीवर जन्म झालाय, त्यामुळे स्वाभिमान आमच्यासाठी श्वासापेक्षा महत्त्वाचा आहे,” असं तिने ठणकावून सांगितलं.
Divya Shinde Eviction On Bigg Boss
विशेष म्हणजे, बिग बॉसने तिला ‘निष्काषित’ केल्याचा दावा तिने खोडून काढला. “मी कन्फेशन रूममध्ये (Confession Room) स्वतःहून शो सोडण्याची इच्छा व्यक्त केली होती, मला त्यांनी काढलेलं नाही,” असा मोठा दावा तिने केला. “अर्धसत्य दाखवून माझी इमेज खराब केली जातेय, हिंमत असेल तर ती पूर्ण क्लिप दाखवा,” असं खुलं चॅलेंजच तिने चॅनेलला दिलं आहे. दिव्याने कोणाचीही माफी मागण्यास स्पष्ट नकार दिला असून आता या प्रकरणावरून सोशल मीडियावर चांगलीच खळबळ उडाली आहे.
📌 महत्वाच्या बातम्या
- Suryakumar Yadav: नामीबियाचा खुर्दा केला, आता नंबर पाकिस्तानचा; विजयानंतर सूर्याने थेट शड्डूच ठोकला!
- हास्यजत्रा सोडून ‘चला हवा येऊ द्या’ मध्ये का गेला? गौरव मोरेने अखेर सांगितलं ‘ते’ गुपित; म्हणाला…
- Search Report चा असा करा वापर; जमीन खरेदीपूर्वी वकिलाला हे प्रश्न विचारा, अन्यथा होईल पश्चात्ताप!
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
